خلیج اردو
دبئی میں بچوں کے لیے موزوں اسکول کا انتخاب والدین کے لیے ایک مشکل مرحلہ ہوتا ہے، تاہم نالج اینڈ ہیومن ڈیولپمنٹ اتھارٹی (کے ایچ ڈی اے) کی درجہ بندیاں والدین کو واضح اور قابل اعتماد رہنمائی فراہم کرتی ہیں۔
2023-24 کی رپورٹ کے مطابق دبئی کے 23 اسکولوں نے ’آؤٹ اسٹینڈنگ‘ یعنی بہترین درجہ حاصل کیا جبکہ 48 اسکولوں کو ’ویری گڈ‘ قرار دیا گیا۔ یہ جانچ صرف تعلیمی کارکردگی تک محدود نہیں بلکہ طلبہ کی فلاح، شمولیت اور بین الاقوامی معیار کے مطابق کارکردگی پر بھی مبنی ہے۔
کے ایچ ڈی اے ہر سال تدریسی معیار، سیکھنے کے ماحول، طلبہ کی کارکردگی اور مضامین کے نتائج کی بنیاد پر اسکولوں کا جائزہ لیتی ہے۔ سرکاری درجہ بندیاں – آؤٹ اسٹینڈنگ، ویری گڈ، گُڈ، ایکسیپٹیبل، اور وِیک – والدین کے لیے اسکول کے معیار کو سمجھنے میں مدد دیتی ہیں۔
واضح رہے کہ دبئی کے نجی اسکولوں میں تعلیمی سال 2024-25 کے دوران مکمل معائنہ نہیں ہوگا، سوائے ان اسکولوں کے جو اپنے تیسرے سال میں داخل ہو رہے ہیں۔ معمول کے معائنے اور درجہ بندیاں 2025-26 میں دوبارہ شروع ہوں گی۔
دبئی میں مختلف نصاب کے مطابق نجی اسکولوں کی اوسط فیسیں:
آئی بی نصاب والے اسکول:
دبئی انٹرنیشنل اکیڈمی، دیرا انٹرنیشنل اسکول، جیمز ویلنگٹن انٹرنیشنل اسکول، نارتھ اینگلیا انٹرنیشنل اسکول، دبئی انگلش اسپیکنگ کالج – فیس 44,979 سے 105,288 درہم، اوسطاً تقریباً 75,000 درہم۔
برطانوی نصاب والے اسکول:
جمیرہ انگلش اسپیکنگ اسکول، کنگز اسکول، ریپٹن اسکول، دبئی انگلش اسپیکنگ اسکول، ہورائزنز انگلش اسکول، جمیرہ کالج، صفا کمیونٹی اسکول، وکٹری ہائٹس پرائمری اسکول، دبئی برٹش اسکول – فیس 43,084 سے 105,288 درہم، اوسطاً تقریباً 70,000 درہم۔
امریکی نصاب والا اسکول:
جیمز دبئی امریکن اکیڈمی – فیس 66,185 سے 93,300 درہم، اوسطاً 79,700 درہم۔
بھارتی نصاب والا اسکول:
جیمز ماڈرن اکیڈمی – فیس 38,246 سے 73,876 درہم، اوسطاً 56,000 درہم۔
فرانسیسی نصاب والا اسکول:
لیسے فرانسی انٹرنیشنل جارج پومپیڈو – فیس 31,276 سے 50,700 درہم، اوسطاً 41,000 درہم۔
یہ تمام اسکول ’آؤٹ اسٹینڈنگ‘ درجہ حاصل کر چکے ہیں اور اپنے نصاب، معیار تعلیم، اور بین الاقوامی معیار کے لحاظ سے دبئی کے نمایاں تعلیمی اداروں میں شمار ہوتے ہیں۔
