خلیج اردو
امریکی ایکسپورٹ امپورٹ بینک نے پاکستان اور مصر میں مختلف یورپی منصوبوں کے لیے مجموعی طور پر 100 ارب ڈالر کی سرمایہ کاری کرنے کا اعلان کیا ہے۔ برطانوی اخبار کے مطابق یہ سرمایہ کاری بنیادی اور اہم شعبوں میں کی جائے گی، جن میں معدنیات، جوہری توانائی، اور ایل این جی کی سپلائی چینز کو محفوظ اور مستحکم بنانا شامل ہے۔
پاکستان میں ریکوڈک معدنی منصوبے کے لیے 1 ارب 25 کروڑ ڈالر کا قرض فراہم کیا جائے گا، جس کا مقصد معدنی وسائل کے استخراج، ماحولیاتی تحفظ، اور مقامی معیشت میں بہتری لانا ہے۔ اس کے علاوہ، مصر کو قدرتی گیس کے شعبے میں 4 ارب ڈالر کی کریڈٹ انشورنس گارنٹی دی جائے گی تاکہ ملک میں توانائی کی پیداوار اور رسد کو یقینی بنایا جا سکے۔
ماہرین کے مطابق اس سرمایہ کاری سے دونوں ممالک کے توانائی، معدنیات اور صنعتی شعبوں میں استحکام آئے گا، روزگار کے مواقع بڑھیں گے اور بین الاقوامی سطح پر پاکستان اور مصر کی ساکھ مضبوط ہوگی۔ سرمایہ کاری کے یہ منصوبے عالمی معیشت میں اہم کردار ادا کرنے کے ساتھ ساتھ خطے میں توانائی کے تحفظ اور اقتصادی ترقی میں بھی مددگار ثابت ہوں گے۔
