خلیج اردو
متحدہ عرب امارات کے مرکزی بینک نے پرسنل لون کے لیے کم از کم 5 ہزار درہم تنخواہ کی شرط ختم کر دی ہے، جسے ماہرین ملک کی مالی رسائی کے لیے ایک اہم قدم قرار دے رہے ہیں۔ اس فیصلے کے بعد کم آمدنی والے افراد بھی اپنی ضروریات اور سرمایہ کاری کے منصوبوں کے لیے آسانی سے قرض حاصل کرسکیں گے۔
تاہم، یو اے ای بینکس فیڈریشن کے چیئرمین عبدالعزیز عبداللہ الغریر کے مطابق ملک کی پوری ورک فورس اس سہولت سے فوری فائدہ نہیں اٹھا سکے گی، کیونکہ بہت سے افراد بہت کم آمدنی کی وجہ سے اہلیت پر پورا نہیں اترتے۔ دلچسپ بات یہ ہے کہ کئی بینک اب بھی اپنی ویب سائٹس پر کم از کم 5 ہزار درہم یا اس سے زیادہ تنخواہ کی شرط درج کر رہے ہیں۔
مرکزی بینک کے مطابق، تیسری سہ ماہی 2025 کے اختتام تک رہائشیوں کو دیے گئے پرسنل لون کا حجم 547.7 بلین درہم تک پہنچ چکا ہے، جو گزشتہ سال کے مقابلے میں 15.7 فیصد اضافہ ہے۔
یو اے ای میں نقد رقم کے خواہش مند رہائشیوں کے لیے مختلف بینکوں کی آفرز حسب ذیل ہیں:
فسٹ ابوظبی بینک (FAB)
یو اے ای کے شہری تنخواہ ٹرانسفر کے ساتھ 50 لاکھ درہم تک حاصل کرسکتے ہیں۔ شرح سود 4.7 فیصد سے 6.2 فیصد سالانہ تک مقرر ہے اور 365 دن کی گریس پیریڈ دی جاتی ہے۔
غیر ملکیوں کے لیے 20 لاکھ درہم تک قرض، 275 دن گریس پیریڈ اور سود 5.44 سے 7.2 فیصد سالانہ۔
کم از کم تنخواہ: 7 ہزار درہم۔
امارات این بی ڈی
اماراتیوں کے لیے 40 لاکھ درہم اور غیر ملکیوں کے لیے 30 لاکھ درہم تک قرض۔ بینک مسابقتی شرح سود کا دعویٰ کرتا ہے۔
مشریق بینک
تنخواہ کے 20 گنا تک قرض، زیادہ سے زیادہ 20 لاکھ درہم۔
کم از کم تنخواہ: 5 ہزار درہم (مخصوص کمپنیوں کے لیے) اور 10 ہزار درہم (غیر منظور شدہ کمپنیوں کے لیے)۔
ابوظبی کمرشل بینک (ADCB)
اماراتیوں کے لیے شرح سود 5.24 فیصد سے اور غیر ملکیوں کے لیے 6.49 فیصد سے آغاز۔
قرض کی مدت 6 سے 48 ماہ۔
پروسسنگ فیس: 1.05 فیصد۔
کمرشل بینک انٹرنیشنل
تنخواہ کے 20 گنا تک قرض اور انشورنس سہولت بھی شامل۔
نیشنل بینک آف فجیرہ
تنخواہ کے 20 گنا تک قرض، غیر ملکیوں کے لیے زیادہ سے زیادہ 10 لاکھ درہم جبکہ اماراتیوں کے لیے 30 لاکھ درہم۔
سود کی شرح: 5.25 فیصد۔
رأس الخیمہ بینک (RAKBank)
کم از کم تنخواہ: 5 ہزار درہم۔
سود: 5.49 فیصد سالانہ سے آغاز۔
کم از کم AECB اسکور: 541۔
دبئی اسلامک بینک (DIB)
زیادہ سے زیادہ 50 لاکھ درہم تک قرض، تکافل کوریج اور قسط مؤخر کرنے کی سہولت۔
ابوظبی اسلامک بینک (ADIB)
اماراتیوں کے لیے 30 لاکھ درہم اور غیر ملکیوں کے لیے 20 لاکھ درہم تک فنانسنگ۔
شرح منافع 4.59 فیصد سالانہ سے شروع، 48 ماہ تک اقساط کی مدت۔
نوٹ: تمام معلومات بینکوں کی آفیشل ویب سائٹس سے لی گئی ہیں۔ ہر بینک کے اپنے قواعد و ضوابط، اہلیت کے معیار اور کیلکولیٹر موجود ہیں۔ مزید تفصیلات کے لیے متعلقہ بینک سے رابطہ کرنے کی ہدایت کی جاتی ہے۔
