دبئی میں نئے سال کی تعطیل کا اعلان، کچھ شعبوں کو استثناء

خلیج اردو
دبئی حکومت کے شعبہ انسانی وسائل  نے ایک سرکلر جاری کرتے ہوئے اعلان کیا ہے کہ جمعرات، یکم جنوری کو عوامی شعبے کے ملازمین کے لیے سرکاری تعطیل ہوگی۔ سرکاری کام 2 جنوری 2026 سے دوبارہ شروع ہوگا، جو ان ملازمین کے لیے ریموٹ ورکنگ ڈے کے طور پر مقرر کیا گیا ہے جن کے کام کی نوعیت انہیں دور سے کام کرنے کی اجازت دیتی ہے۔

تاہم، نے واضح کیا کہ یہ تعطیل اُن کاروباروں، محکموں یا اداروں پر لاگو نہیں ہوگی جو شفٹ سسٹم کے تحت کام کرتے ہیں، نیز وہ ادارے جو عوامی سہولیات کی خدمات یا انتظام میں مصروف ہیں۔

ان اداروں کو اجازت دی گئی ہے کہ وہ اپنی عملی ضروریات کے مطابق مستثنیٰ ملازمین کے لیے مناسب کام کے اوقات کا تعین کریں تاکہ تعطیل کے دوران کام کا سلسلہ اور خدمات کی روانی مؤثر اور لچکدار طریقے سے جاری رہ سکے۔

اس موقع پر ڈی جی ایچ آر نے متحدہ عرب امارات کی قیادت، حکومت اور عوام کے ساتھ ساتھ مقیم افراد کو دل کی گہرائیوں سے مبارکباد اور نیک تمناؤں کا پیغام بھی دیا، اور نیا سال کامیابیوں اور ترقی سے بھرپور گزرنے کی خواہش ظاہر کی۔