خلیج اردو
سعودی سینٹرل بینک (SAMA) نے اگلے چار سال (2026 سے 2029) کے دوران مالیاتی اداروں کے لیے سرکاری تعطیلات کا شیڈول جاری کر دیا ہے۔ اس میں عید الفطر، عید الاضحیٰ اور سعودی نیشنل ڈے کی تعطیلات شامل ہیں۔
بینک کے مطابق یہ شیڈول کاروبار، سرمایہ کاروں اور رہائشیوں کو مالی لین دین کی منصوبہ بندی میں مدد فراہم کرے گا۔ ہجّ کے موسم میں بینکوں اور صرافی مراکز کے لیے بھی خصوصی ہدایات جاری کی گئی ہیں۔
سرکاری تعطیلات کا کیلنڈر:
| سال | عید الفطر | عید الاضحیٰ |
|---|---|---|
| 2026 | 17 مارچ (منگل) تا 23 مارچ (پیر) | 24 مئی (اتوار) تا 28 مئی (جمعرات) |
| 2027 | 7 مارچ (اتوار) تا 11 مارچ (جمعرات) | 16 مئی (اتوار) تا 20 مئی (جمعرات) |
| 2028 | 27 فروری (اتوار) تا 2 مارچ (جمعرات) | 3 مئی (بدھ) تا 9 مئی (منگل) |
| 2029 | 12 فروری (پیر) تا 18 فروری (اتوار) | 22 اپریل (اتوار) تا 26 اپریل (جمعرات) |
سعودی نیشنل ڈے ہر سال 23 ستمبر کو منایا جائے گا اور فاؤنڈنگ ڈے 22 فروری کو۔ اگر یہ تعطیلات جمعہ کو پڑیں تو چھٹی جمعرات کو ہوگی اور اگر ہفتہ کو ہوں تو اتوار کو منائی جائے گی۔
بینکنگ اوقات کار کے ہدایات:
-
رمضان کے مہینے میں بینکوں کے کلائنٹس کے لیے کام کے اوقات صبح 10 بجے تا شام 4 بجے ہوں گے۔
-
بینکوں کے ریمیٹینس سینٹرز اور پیمنٹ سروس پرووائیڈرز کے اوقات 6 گھنٹے لچکدار ہوں گے، صبح 9:30 بجے تا شام 5:30 بجے۔
-
حجاج، عمرہ کرنے والوں اور زائرین کی سہولت کے لیے مکہ، مدینہ، ہوائی اور بحری راستوں پر قائم بینک و صرافی مراکز، پیمنٹ سروس فراہم کرنے والے، اور خصوصی برانچز مسلسل کھلے رہیں گے، نیز جمعہ اور ہفتہ کو بھی خدمات جاری رکھیں گے۔
-
ضروری علاقوں، ہوائی اڈوں اور سرحدی گذرگاہوں میں متعدد برانچز کھولنے کی ہدایت بھی جاری کی گئی ہے۔ ان برانچز کے نام اور اوقات کار عوام تک مناسب ذرائع سے پہنچائے جائیں گے۔
ماہرین کے مطابق یہ شیڈول مالیاتی نظام میں شفافیت اور شہریوں و زائرین کے لیے سہولت فراہم کرنے میں مددگار ثابت ہوگا۔
