بریکنگ نیوز۔نماز جمعہ سے متعلق متحدہ عرب امارات کی حکومت کا بڑا اعلان سامنے آگیا۔

خلیج اردو(ویب ڈیسک)گزشتہ بدھ سے مساجد میں نماز کی اجازت کے باوجود ملک بھر کی مساجد میں جمعہ کے روز نماز جمعہ ادا نہیں کی جائے گی۔

حکومت کے اعلان کے مطابق مساجد کو نماز کے لیے کھولنے کے باوجود نماز جمعہ تاحکم ثانی معطل رہیں گی۔متحدہ عرب امارات نے کورونا وائرس وبائی مرض کے پھیلاؤ کو روکنے کے لئے احتیاط کے طور پر تین ماہ سے زیادہ کی بندش کے بعد مساجد کو روزانہ نماز کے لئے دوبارہ کھولنے کی اجازت دی تھی۔

نمازیوں کی حفاظت کو یقینی بنانے کے لئے سخت اقدامات کے بعد مساجد اور دیگر عبادت گاہیں 30 فیصد صلاحیت پر دوبارہ کھولی گئ ہیں۔ مساجد کو دوبارہ کھولنے کے لئے ،حکام نے کچھ رہنما اصولوں کا اعلان کیا جس پر نمازیوں کو عمل کرنا ہوگا ، جیسے دو قطاروں کے درمیان خالی صف چھوڑنا ، چہرے پر ماسک اور دستانے پہننا ، اور مسجد اپنا جائے نماز لانا شامل ہیں۔

عبادت گزاروں پر لازم ہے کہ سماجی فاصلہ برقرار رکھیں۔ مصافحہ ، گلے لگانے اور سماجی فاصلہ توڑنے والے کسی بھی دوسرے معاشرتی عمل سے گریز کریں۔

دیگر قواعد و ضوابط میں گھر پر وضو کرنا اور اس بات کو یقینی بنانا ہے کہ آپ صابن سے اپنے ہاتھ دھوئیں، جبکہ معمر ، بچوں اور دائمی بیماریوں میں مبتلا افراد کو مساجد میں داخل ہونے کی اجازت نہیں ہے۔

عبادت گزاروں کو سطحوں اور دروازوں کی چھتوں کو چھونے سے گریز کرنا چاہئے اور مساجد میں خاص طور پر داخلی راستوں پر ہجوم لگانے سے پرہیز کرنا چاہیے۔

16 مارچ کو عالمی سطح پر کورونا وائرس پھیلنے کے بعد مساجد اور دیگر عبادت گاہوں کو بند کردیا گیا تھا تاکہ عوام کی حفاظت کو یقینی بنایا جاسکے۔
Source:Gulf News