خلیج اردو
یو اے ای میں موسم جزوی طور پر ابر آلود رہنے کے ساتھ مختلف علاقوں میں بارش کا امکان ظاہر کیا گیا ہے، جبکہ بعض مقامات پر گرج چمک اور محدود علاقوں میں ژالہ باری بھی ہو سکتی ہے۔
محکمہ موسمیات کے مطابق ابوظہبی میں درجہ حرارت زیادہ سے زیادہ 32 اور کم سے کم 23 ڈگری سینٹی گریڈ تک رہنے کا امکان ہے، جبکہ دبئی میں درجہ حرارت 31 ڈگری تک جا سکتا ہے۔
حکام نے اورنج الرٹ جاری کرتے ہوئے خبردار کیا ہے کہ شام 8 سے 10 بجے کے درمیان تیز ہوائیں گرد و غبار اٹھائیں گی جس سے حدِ نگاہ متاثر ہو سکتی ہے۔ ہواؤں کی رفتار 10 سے 25 کلومیٹر فی گھنٹہ تک رہے گی جو بعض اوقات بڑھ کر 40 کلومیٹر فی گھنٹہ تک جا سکتی ہے۔
سمندر میں بھی لہریں معتدل سے تیز رہنے کا امکان ہے، خصوصاً خلیج اور بحیرہ عمان میں، جبکہ غیر مستحکم موسم کے پیش نظر متعلقہ ادارے صورتحال کی مسلسل نگرانی کر رہے ہیں۔
یہ موسمی صورتحال شہریوں کے لیے احتیاطی تدابیر اختیار کرنے اور غیر ضروری سفر سے گریز کا تقاضا کرتی ہے۔
