خلیج اردو
ایران کے وزیر خارجہ عباس عراقچی ہفتے کے روز ایک اعلیٰ سطحی سفارتی وفد کے ہمراہ عمان کا دورہ کریں گے، جہاں وہ خطے کی تازہ صورتحال، خصوصاً آبنائے ہرمز کی صورت حال پر بات چیت کریں گے۔
ایرانی سرکاری خبر رساں ایجنسی ارنا کے مطابق یہ دورہ علاقائی پیش رفت کے تناظر میں کیا جا رہا ہے، تاہم رپورٹ میں ملاقاتوں کی مزید تفصیلات یا ان شخصیات کے نام جاری نہیں کیے گئے جن سے عباس عراقچی ملاقات کریں گے۔
آبنائے ہرمز دنیا کی اہم ترین بحری گزرگاہوں میں شمار ہوتی ہے، جہاں سے عالمی تیل کی بڑی مقدار کی ترسیل ہوتی ہے، اس لیے اس خطے کی سکیورٹی کو عالمی معیشت کے لیے انتہائی اہم سمجھا جاتا ہے۔
