خلیج اردو
دبئی حکومت کے محکمہ انسانی وسائل نے اعلان کیا ہے کہ جمعہ 28 اگست 2026 کو دبئی حکومت کے تمام محکموں، اداروں اور اتھارٹیز میں سرکاری تعطیل ہوگی۔

سرکاری دفاتر میں معمول کے اوقات کار پیر 31 اگست سے بحال ہوں گے۔

جمعہ کی تعطیل کے ساتھ ہفتہ اور اتوار کی معمول کی ہفتہ وار چھٹیوں کے باعث بیشتر سرکاری ملازمین کو مسلسل تین روز کی چھٹی ملے گی۔

تاہم شفٹوں میں کام کرنے والے ملازمین اور عوام کو براہ راست خدمات فراہم کرنے یا عوامی سہولیات کے انتظام پر مامور ملازمین اس تعطیل سے مستثنیٰ ہوں گے۔

دبئی حکومت کے محکمہ انسانی وسائل کے مطابق ان ملازمین کے اوقات کار ہر سرکاری ادارہ اپنی آپریشنل ضروریات کے مطابق طے کرے گا۔

محکمہ انسانی وسائل نے واضح کیا کہ اس انتظام کا مقصد تعطیلات کے دوران عوامی خدمات کی فراہمی کو مؤثر اور بلا تعطل جاری رکھنا ہے۔

اس موقع پر محکمہ انسانی وسائل نے متحدہ عرب امارات کی قیادت، شہریوں اور رہائشیوں کو مبارکباد پیش کرتے ہوئے ملک کے لیے مزید امن، استحکام اور خوشحالی کی نیک خواہشات کا اظہار کیا۔