خلیج اردو
ایران کے سپریم لیڈر مجتبیٰ خامنہ ای نے خبردار کیا ہے کہ اگر جنگ دوبارہ شروع ہوئی تو اس کا دائرہ پہلے سے کہیں زیادہ وسیع ہوگا۔ انہوں نے کہا ہے کہ امریکا کی پالیسی میں تبدیلی کی توقع رکھنے والے افراد شدید غلط فہمی کا شکار ہیں۔
اے ایف پی کے مطابق مجتبیٰ خامنہ ای نے یہ بیان امریکی وسط مدتی انتخابات کے ایک روز بعد بدھ کو اپنی ویب سائٹ پر جاری تحریری پیغام میں دیا۔ ان انتخابات میں امریکی صدر ڈونلڈ ٹرمپ کو سیاسی دھچکا پہنچا ہے۔
ایرانی سپریم لیڈر کا کہنا تھا کہ جو لوگ اب بھی یہ امید رکھتے ہیں کہ امریکا کے اندر جماعتی یا دھڑوں کی تبدیلی سے اس کے بالادستی کے نظام کا رویہ بدل جائے گا، وہ شدید غلط فہمی میں ہیں۔
انہوں نے کہا کہ یہ تصور کرنا بھی غلط ہے کہ امریکا کو رعایتیں دینے سے ایرانی قوم کے خلاف اس کی دشمنی ختم ہو سکتی ہے۔
