خلیج اردو آن لائن:
متحدہ عرب امارات کی وزارت صحت کی جانب سے جمعے کے روز ملک بھر میں کورونا کے 1283 نئے کیسز رپورٹ کیے گئے ہیں۔
جبکہ کورونا سے صحتیاب ہونے والوں کی تعداد 838 ہے۔ وزارت صحت کے مطابق کورونا سے 3 نئی اموات بھی ریکارڈ کی گئی ہیں۔
نئے کیسز 1 لاکھ 45 ہزار 103 نئے کورونا ٹیسٹوں کے نتیجے میں سامنے آئے ہیں۔ جس کے ساتھ ملک بھر میں ابتک کیے جانے والے کورونا ٹیسٹوں کی کل تعاد 16 اشاریہ 2 ملین ہوگئی ہے۔
"الصحة" تجري 145,103 فحوصات ضمن خططها لتوسيع نطاق الفحوصات وتكشف عن 1,283 إصابة جديدة بـ #فيروس_كورونا المستجد و838 حالة شفاء و3 حالات وفاة خلال الساعات الـ 24 الماضية.#وام pic.twitter.com/wAKJSw5HuV
— وكالة أنباء الإمارات (@wamnews) November 27, 2020
متحدہ عرب امارات کی حکومت کورونا کے پھیلاؤ روکنے کے لیے کورونا ٹسیٹوں کی سہولت کو مزید بڑھانے کے عزم اظہار کر چکی ہے۔
تاہم، ملک میں کورونا کیسز کے حالیہ اضافے کے پیش نظر حکام کیجانب سے عوام کو کورونا ایس او پیز پر سختی سے عمل کی ہدایت کی جا رہی ہے۔
یاد رہے کہ یو اے ای کےقومی دن کے موقعے پر نجی اجتعماعات پر پابندی عائد رہے گی۔ اس پابندی کا مقصد کورونا کے پھیلاؤ سے محفوظ رہنا ہے۔
Source: Khaleej Times
