خلیج اردو آن لائن:
متحدہ عرب امارات حکام نے ملک میں کورونا وائرس کی نئی قسم سے متاثر ہونے والے افراد کی تصدیق کر دی ہے۔ حکام کا کہنا ہے کہ نئی قسم سے متاثر افراد بیرون ملک سے یو اے ای آئے ہیں۔
متحدہ عرب امارات حکومت کے سرکاری ترجمان ڈاکٹر عمر الحمادی کا منگل کے روز کووڈ 19 کے حوالے سے پریس بریفنگ کے دوران کہنا تھا کہ "برطانیہ میں کورونا کی نئی قسم کے حوالے سے ایمرجنسی اور ہیلتھ سیکٹر کی جانب سے جاری مسلسل تفتیش کی روشنی میں یہ ثابت ہوا ہے کہ ملک میں محدود پیمانے پر کورونا کی نئی قسم کے کیسز موجود ہیں”۔
نؤكد على ضرورة الاستمرار بالالتزام بكافة الإجراءات الاحترازية والوقائية لضمان صحة وسلامة الجميع، مع التأكيد على استمرارية جهود القطاع الصحي والعاملين فيه لاحتواء الفيروس والحد من انتشاره.#نلتزم_لننتصر
— NCEMA UAE (@NCEMAUAE) December 29, 2020
ڈاکٹر حمادی نے زور دیتے ہوئے کہا کہ تمام افراد کو کورونا سے متعلق احتیاطی تدابیر پر عمل کرنا ہوگا۔
خیال رہے کہ گزشتہ ہفتے ڈاکٹر حمادی کا کہنا تھا کہ کورونا ویکسین کے کورونا کی نئی قسم کے خلاف مؤثر ہونے کا امکان موجود ہے۔
Source: Khaleej Times