متحدہ عرب امارات: چوری کیا گیا جوڑا پہن کر انسٹاگرام پر تصویر لگانے والی گھریلو ملازمہ کو قید کی سزا سنا دی گئی

خلیج اردو آن لائن:

اپنے سپانسر کی بیوی کے کپڑے چوری کرنے کے بعد انہیں پہن کر تصویر بنانے اور پھر اس تصویر کو انسٹاگرام پر شیئر کرنا دبئی میں ایک گھریلو ملازمہ کو مہنگا پڑ گیا۔ عدالت نے ملازمہ کو تین ماہ قید اور 500 درہم جرمانے کی سزا سنا دی۔

مزید برآں، جیل کی سزا بھگتنے کے بعد ملازمہ کو ملک بدر کرنے کا حکم بھی جاری کیا گیا ہے۔

مقدمے کی تفصیلات درج ذیل ہیں:

دبئی کی ابتدائی عدالت کے ریکارڈ کے مطابق دبئی کا ایک سپانسر گزشتہ دسمبر میں انسٹاگرام دیکھ رہا تھا جب اس نے اپنی فلپائنی ملازمہ کا اکاؤنٹ دیکھا۔ ملازمہ کا اکاؤنٹ دیکھ کر اسپانسر نے اسکی تصاویر دیکھنی شروع کر دیں۔ ملازمہ کی تصویروں میں ایک تصویر ایسی بھی تھی جو اس نے اسپانسر کی بیوی کا جوڑا پہن کر بنائی تھی۔

امارتی اسپانسر نےبتایا کہ ” تصویر دیکھنے کے بعد میں اپنی بیوی کو بتایا تو اس نے کپڑے پہچان لیے کیونکہ اس تصویر بھی گھر کے اندر ہی بنائی تھی۔ جس کے بعد میں ملازمہ کے کمرے میں گیا تو چوری کیا ہوا جوڑا اسکی الماری سے مل گیا”۔

اسپانسر نے مزید بتایا کہ اس ملازمہ کے کمرے سے اسکی بیوی نے چوری کی گئی کچھ دیگر اشیاء بھی برآمد کیں، جیسا کہ سرخی، ہینڈ بیگ، اور جوتے۔ ان تمام چیزوں کی مالیت تقریبا 500 درہم بنتی ہے۔

جس کے بعد دبئی پولیس نے ملازمہ کو گرفتار کر لیا اور اس کا موبائل ضبط کر لیا۔

دوران تفتیش ملازمہ نے اعتراف جرم کر لیا۔ دبئی پبلک پراسیکیوشن نے نے خاتون ملازمہ پر چوری کا الزام عائد کر دیا ہے۔

Source: Gulf News