خلیج اردو آن لائن:
متحدہ عرب امارات کے نائب صدر کا کہنا ہے کہ 3 لاکھ سے زائد سیکیورٹی کیمروں کی مدد سے دبئی کی 24 گھنٹے نگرانی کی جاتی ہے۔ اور دبئی دنیا میں موجود محفوظ ترین شہروں میں سے ایک ہے۔
دبئی کے حکمران اور یو اے ای کے وزیر اعظم و نائب صدر شیخ محمد بن راشد المکتوم نے یہ بات بدھ کے روز دبئی پولیس کے ہیڈ کوارٹرز کے دورے کے بعد کہی۔ اس دورے کے دوران شیخ محمد کو مصنوعی ذہانت پر مشتمل نظام سے متعلق بریف کیا گیا۔ یہ نظام بغیر انسانی مداخلت کے پولیس پیٹرول کو گشت کے لیے بھیجتا ہے۔
كما اطلعت خلال زيارتي اليوم على أنظمة الذكاء الصناعي التي تقوم بتوزيع الدوريات الأمنية في دبي حسب الأهمية الاقتصادية والسياحية دون تدخل بشري … واطلعت على مشروع "عيون" للكاميرات ذات التقنية الذكية .. دبي مراقبة بأكثر من ٣٠٠ ألف كاميرا على مدار الساعة .. وهي من آمن مدن العالم.. pic.twitter.com/PodDr0fIds
— HH Sheikh Mohammed (@HHShkMohd) July 14, 2021
مزید برآں، اس دورے کے دوران شیخ محمد کو پولیس آئی پراجیکٹ کے بارے میں بھی بتایا گیا۔ اس پراجیکٹ کے تحت مصنوعی ذہانت پر مبنی سی سی ٹی وی کیمروں کی مدد سے جرائم پیشہ افراد کو پکڑا اور جرائم کو روکا جاتا ہے۔
خلال زيارتي اليوم لمقر القيادة العامة لشرطة دبي .. دشنت اليوم منصة Drone Box .. وهي عبارة عن منصات لاطلاق الطائرات بدون طيار موزعة في الإمارة لخفض زمن الاستجابة للبلاغات الجنائية والمرورية من ٤.٤ دقيقة إلى دقيقة واحدة فقط .. وسيتم إطلاق الخدمة خلال إكسبو القادم بإذن الله.. pic.twitter.com/yV5Y0zeqYr
— HH Sheikh Mohammed (@HHShkMohd) July 14, 2021
شیخ محمد نے دبئی پولیس کو خراج تحسین پیش کیا اور انہوں اس وقت کی ایک ویڈیو بھی شیئر کی جس وقت وہ دبئی پولیس کے سربراہ تھے۔ شیخ محمد کو یکم نومبر 1968 میں دبئی پولیس کا سربراہ تعینات کیا گیا تھا۔ انہوں نے ٹوئیٹر پر ٹوئیٹ کرتے ہوئے دبئی پولیس کے تمام محکموں کا شکریہ ادا کیا اور دن رات کام کرنے والے اہلکاروں کو خراج عقیدت پیش کیا۔
Source: Khaleej Times
