متحدہ عرب امارات: نفرت انگیز تقریر کرنے پر میڈیا اہلکار گرفتار

ٹی ایم نامی اماراتی شخص کی آن لائن ویڈیو دیکھنے کے بعد عوامی استغاثہ کارروائی

متحدہ عرب امارات کے فیڈرل پبلک پراسیکیوشن نے نسل پرست تبصرے کے لئے ٹی ایم نامی اماراتی میڈیا شخص کی گرفتاری اور عارضی نظربند رہنے کا حکم دیا ہے۔

پبلک پراسیکیوشن کے فیڈرل انوسٹی گیشن آفس نے ملزم کی ویڈیو آن لائن گردش ہونے پر دیکھا کہ اس میں میں متحدہ عرب امارات میں رہنے والی مختلف طبقات میں نسل اور قومیت کی بنیاد پر تفریق پیدا کرنے کی کوشش کی گئی تھی۔ ویڈیو خاص طور پر ایک طبقہ کے لئے ناگوار تھی۔

یہ متحدہ عرب امارات اور اس کی رواداری کی اقدار کو پھیلانے کی کوششوں کا مخالف ہے ، اس کے علاوہ متحدہ عرب امارات کے انصاف اور مساوات کے بنیادی اصولوں کی بھی خلاف ورزی ہے۔

فیڈرل پبلک پراسیکیوشن کے ترجمان نے بتایا کہ ملزم سے تفتیش جاری ہے اور اس جرم کی کوشش کرنے کے لئے قانونی کارروائی کی جارہی ہے۔

ترجمان نے تمام سوشل میڈیا صارفین کو متنبہ کیا کہ وہ اس سرزمین کے قانون کی پاسداری کریں اور اس کی بنیادی اقدار کا احترام کریں جو سب کے احترام پر زور دیتے ہیں۔ انہوں نے لوگوں سے کہا کہ وہ نسل ، مذہب ، زبان یا صنف کے نام پر لوگوں میں تفریق کا بیج نہ بوئیں۔

انہوں نے مزید کہا ، "یہ ہمارے بنیادی اصول ہیں اور ان پر کسی قسم کی کوئی خلاف ورزی برداشت نہیں کی جائے گی۔”

Source: Khaleej Times

Apr 23, 2020