متحدہ عرب امارات میں کل کا موسم: زیادہ تر صاف اور جزوی طور پر ابر آلود، درجہ حرارت میں اضافے کا امکان

خلیج اردو
ابوظبہی:متحدہ عرب امارات میں رہائشیوں کے لیے جمعہ، 7 مارچ کا دن زیادہ تر صاف رہے گا، تاہم بعض علاقوں میں جزوی طور پر بادل چھائے رہنے کا امکان ہے۔ یہ پیش گوئی نیشنل سینٹر آف میٹرولوجی این سی ایم کی جانب سے جاری کردہ موسمی بلیٹن میں کی گئی ہے۔

محکمہ موسمیات کے مطابق، درجہ حرارت میں اضافے کا امکان بھی ہے۔

ابوظبی میں زیادہ سے زیادہ درجہ حرارت 36 ڈگری سینٹی گریڈ تک پہنچنے کا امکان ہے جبکہ کم سے کم درجہ حرارت 23 ڈگری سینٹی گریڈ رہنے کی توقع ہے۔ اسی طرح دبئی میں بھی موسم زیادہ تر دھوپ والا ہوگا، جہاں درجہ حرارت 37 ڈگری سینٹی گریڈ تک جا سکتا ہے، جبکہ کم سے کم درجہ حرارت 23 ڈگری سینٹی گریڈ متوقع ہے۔

ہوا کی رفتار ہلکی سے معتدل رہے گی، جو جنوب مشرق سے شمال مشرق کی سمت چلے گی، بعض اوقات تیز ہوائیں بھی چل سکتی ہیں جن کی رفتار 10 کلومیٹر فی گھنٹہ تک ہو سکتی ہے۔

این سی ایم کے مطابق، بحیرہ عرب میں سمندر معمولی سے درمیانے درجے کا اور بحیرہ عمان میں معمولی رہے گا۔