خلیج اردو
بگ ٹکٹ ای-ڈرا میں اس ہفتے چار خوش نصیب غیر ملکیوں نے 50,000 درہم فی کس انعام جیت لیا۔ ان خوش نصیبوں میں تین بھارتی اور ایک بنگلہ دیشی شہری شامل ہیں۔ جیتنے والوں میں واٹر سیلزمین، سیفٹی آفیسر اور پرچیز آفیسر شامل ہیں۔
بنگلہ دیش کے محمد خورشید عالم، جو پچھلے چار سال سے شارجہ میں واٹر سیلزمین کے طور پر کام کر رہے ہیں، نے پہلی بار 20 افراد کے گروپ کے ساتھ بگ ٹکٹ خریدا تھا۔ 22 سالہ خورشید نے کہا کہ وہ اپنی انعامی رقم گروپ کے تمام افراد میں تقسیم کریں گے۔ انہوں نے مزید کہا کہ وہ آئندہ بھی بگ ٹکٹ خریدتے رہیں گے اور دوسروں کو بھی قسمت آزمانے کا مشورہ دیا۔
دبئی میں مقیم کیرالہ سے تعلق رکھنے والے 32 سالہ پرچیز آفیسر اجے کرشناکمار جین نے بتایا کہ انہوں نے بگ ٹکٹ کے بارے میں سوشل میڈیا سے سنا تھا اور گزشتہ ایک سال سے 10 دوستوں کے گروپ کے ساتھ ٹکٹس خرید رہے ہیں۔ انعام جیتنے کی اطلاع ملنے پر وہ جذباتی ہو گئے اور اپنے حصے کی رقم سے مزید بگ ٹکٹ خریدنے کا ارادہ ظاہر کیا۔
حیدرآباد سے تعلق رکھنے والے 39 سالہ سیفٹی آفیسر سمیر احمد، جو گزشتہ 15 سال سے سعودی عرب میں مقیم ہیں، نے تین ماہ قبل یوٹیوب پر پروموشنل ویڈیو دیکھ کر بگ ٹکٹ خریدنے شروع کیے۔ سمیر نے بگ ٹکٹ کے بنڈل آفر کے ذریعے تین ٹکٹ خریدے تھے، جن میں سے ایک مفت ٹکٹ پر انعام نکل آیا۔ سمیر نے اپنے دوستوں کو بھی بگ ٹکٹ میں حصہ لینے کی ترغیب دی ہے۔
بھارت سے تعلق رکھنے والی سشمیتا نے دو ٹکٹ خریدے اور ایک مفت ٹکٹ حاصل کیا۔ یہی مفت ٹکٹ (نمبر 277-044870) ان کی جیت کی وجہ بنا۔ سشمیتا نے اپنی جیت پر خوشی کا اظہار کیا اور مستقبل میں مزید ٹکٹس خریدنے کا ارادہ ظاہر کیا۔
بگ ٹکٹ ای-ڈرا کے تین ہفتہ وار ڈراز مکمل ہو چکے ہیں اور اب گرینڈ پرائز ڈرا 3 اگست کو ابوظہبی میں لائیو ہو گا۔ اس رات ایک بڑے انعام کے ساتھ چھ خوش نصیب مزید افراد کو فی کس 50,000 درہم کا کنسولیشن کیش پرائز بھی دیا جائے گا۔
