خلیج اردو
امریکی دھمکیوں اور دباؤ کے باوجود بھارت نے روس سے تیل کی خریداری جاری رکھنے کا فیصلہ کیا ہے۔ میڈیا رپورٹس کے مطابق سابق امریکی صدر ڈونلڈ ٹرمپ کے سخت بیانات اور موجودہ امریکی انتظامیہ کی تنبیہات کے باوجود بھارت نے اپنی پالیسی میں کوئی تبدیلی نہیں کی۔
رپورٹ میں بتایا گیا ہے کہ بھارتی حکومت نے ملک کی آئل کمپنیوں کو روس سے تیل کی خریداری سے نہیں روکا اور وہ بدستور روسی خام تیل کی درآمدات جاری رکھے ہوئے ہیں۔ بھارتی حکام کا مؤقف ہے کہ وہ توانائی کی ضروریات کے مطابق فیصلہ کریں گے اور کسی بیرونی دباؤ کو اپنے قومی مفاد پر اثر انداز نہیں ہونے دیں گے۔
