کرونا لاک ڈاؤن کے پیش نظر، شارجہ میں نجی اسکولوں کو اساتذہ کی تنخواہوں میں کمی کے حوالے سے انتباہ جاری

خلیج اردو: شارجہ میں نجی اسکولوں کو تنبیہ کی گئی ہے کہ وہ اپنے اساتذہ اور عملے کو کم تنخواہوں کے ساتھ نئے معاہدوں پر دستخط کرنے پر مجبور نہ کریں۔ حکام نے دہرایا ہے کہ کوویڈ ۔19 لاک ڈاؤن کی صورتحال کو ملازمین کی تنخواہوں میں کمی لانے کے بہانے کے طور پر استعمال نہ کریں۔

شارجہ پرائیویٹ ایجوکیشن اتھارٹی (ایس پی ای اے) نے امارات کے 115 نجی اسکولوں کو یہ انتباہ تب جاری کیا جب اساتذہ اور انتظامیہ کی جانب سے ادارے کو متعدد شکایات موصول ہوئی تھیں جن میں یی دعوی کیا گیا تھا کہ انہیں کم تنخواہ کے ساتھ ایک نیا معاہدہ دیا جارہا ہے۔

ایس پی ای اے کے ایک عہدیدار نے بتایا کہ اگر اس طرح کا کوئی تنازعہ پیدا ہوتا ہے تو ، اسکول کے عملے کو توفیق مراکز میں مقدمہ دائر کرنا چاہیے کیونکہ یہ ادارہ وزارت انسانی وسائل اور امارت کاری سے لائسنس حاصل کرچکا ہے۔

انہوں نے کہا کہ اس معاملے پر طریقہ کار واضح ہے: اگر کسی تعلیمی ادارے میں ملازم کا معاہدہ ختم ہوجاتا ہے تو انتظامیہ کو معاوضے کے لئے عملے کو ادائیگی کرنا پڑے گی۔

انہوں نے متنبہ کیا کہ مزدور قوانین کی کسی بھی خلاف ورزی کو برداشت نہیں کیا جائے گا اور عدم تعمیل کرنے پر انتظامی جرمانے اور جرمانے مقرر کیے گئے ہیں۔

اہلکار نے نجی اسکولوں پر زور دیا کہ وہ قواعد و ضوابط اور سرکلر کی پابندی کریں اور اپنے ملازمین کے حقوق کو برقرار رکھیں۔