
خلیج اردو
اسلام آباد:حکومت نے نان فائلرز کے گرد شکنجہ مزید سخت کرنے کی تیاری مکمل کرلی۔۔ نان فائلرز مخصوص حد سے زیادہ جائیداد نہیں خرید سکیں گے، نان فائلرز پر مخصوص حد سے زیادہ شئیرز کی خریداری پر بھی پابند ہوگی ، نان فائلر بینک اکاؤنٹ اوپن نہیں کر سکیں گے۔
قومی اسمبلی میں ٹیکس لاء ترمیمی بل 25-2024ء پیش کردیا گیا،، مجوزہ ترمیم کے مطابق نان فائلرز پر 800 سی سی سے زائد کی گاڑیاں خریدنے پر پابندی ہوگی،، ایک حد سے زیادہ بینکنگ ٹرانزیکشنز نہیں کرسکیں گے۔
نان فائلرز کو موٹر سائیکل رکشہ اور ٹریکٹر خریدنے کی اجازت ہوگی،،، غیر رجسٹرڈ کاروباری افراد کے بینک اکاؤنٹس منجمد کیے جائیں گے جبکہ غیر رجسٹرڈ کاروباری افراد جائیداد ٹرانسفر نہیں کر سکیں گے۔
ترمیم کے مطابق حکومت غیر رجسٹرڈ افراد کی پراپرٹی اور کاروبار سیل کرنے کی مجاز ہوگی،،، ایف بی آر جن لوگوں کے نام کی لسٹ جاری کرے گا ان کے اکاؤنٹس فریز کیے جائیں گے،،، پابندی کا اطلاق وفاقی حکومت کے نوٹیفکیشن کے بعد ہوگا۔
سیلز ٹیکس رجسٹریشن نہ کرانے پر بینک اکاؤنٹس بھی منجمد کیے جاسکتے ہیں،سیلز ٹیکس رجسٹریشن نہ کرانے پر پراپرٹی ٹرانسفر پر بھی پابندی ہوگی۔۔