خلیج اردو
اسلام آباد : پاکستان کے وزیراعظم شہباز شریف نے کہا ہے کہ آئین اورپارلیمنٹ کی بالادستی پر کوئی سمجھوتہ نہیں کریں گے، کوئی ادارہ کسی دوسرے کے اختیار میں مداخلت نہیں کرسکتا۔
وزیراعظم شہبازشریف نے اپنے ٹویٹر پیغام میں کہا ہے کہ آئین نے ریاستی اختیار پارلیمنٹ۔انتظامیہ اور عدلیہ کو تفویض کئے ہیں۔
عدلیہ کی ساکھ کا تقاضا اور قرین انصاف یہی تھا کہ فل کورٹ تشکیل دیا جاتا تاکہ انصاف نہ صرف ہوتا بلکہ ہوتا ہوا نظر بھی آتا لیکن عدالتی فیصلے سے قانون دان برادری، سائیلین، میڈیا اورعوام کی حصول انصاف کے لئے توقعات کو دھچکا لگا ہے۔ https://t.co/rZncJpszpY
— Shehbaz Sharif (@CMShehbaz) July 26, 2022
آئین نے سب اداروں کو متعین حدود میں کام کرنے کا پابند کیا ہے۔کوئی ادارہ کسی دوسرے کے اختیار میں مداخلت نہیں کرسکتا۔
اپنے ٹویٹ میں وزیراعظم کا کہنا تھا کہ عدلیہ کی ساکھ کا تقاضہ اور قرین انصاف یہی تھا کہ فل کورٹ تشکیل دیا جاتا۔تاکہ انصاف نہ صرف ہوتا بلکہ ہوتا ہوا نظر بھی آتا۔
وزیر اعظم کا کہنا ہے کہ عدالتی فیصلے سے قانون دان برادری۔سائلین۔میڈیا اورعوام کی حصول انصاف کے لئے توقعات کو دھچکا لگا ہے۔
