
خلیج اردو
اسلام آباد : پاکستان اور امریکہ کے درمیان دوروزہ ہیلتھ ڈائیلاگ کل سے شروع ہوگا ،وفاقی وزیر صحت عبدالقادر پٹیل کی سربراہی میں چار رکنی وفد ہیلتھ ڈائیلاگ میں شرکت کیلئے واشنگٹن ڈی سی میں موجود ہے،امریکہ میں پاکستان کے سفیر مسعود خان اور پاکستانی سفارت خانے کے دیگر حکام بھی ڈائیلاگ میں شریک ہوں گے ۔
25 جولائی کو پاکستان اور امریکہ کے درمیان دو روزہ مذاکرات کے حوالے سے وفاقی وزیر صحت عبدالقادر پٹیل نے کہا ہے کہ مذاکرات دونوں ممالک میں قریبی تعلقات کی مثال اور اہم ترین سنگ میل ہے،پاکستان اور امریکہ میں سفارتی تعلقات کے قیام کی 75وہویں سالگرہ شاہان شان سے منانے کی ایک کڑی ہے
وزیر صحت کے مطابق مذاکرات میں ٹھوس پیش رفت ہونے کا امکان ہے ،مذاکرات صحت کے شعبے میں اہم ترین سنگ میل اور کامیابی ہو گی ،ہیلتھ ڈاییلاگ میں صحت کے سات بڑے اہم ترین امور پر بات چیت کریں گے ۔امریکی ادارے سنٹر فار ڈیزیز کنٹرول اور این آئی ایچ کے درمیان تعاون پر بات ہوگی،کرونا وبا پر کنٹرول کا معاملہ زیربحث آئیگا
ترجمان وزارت صحت کے مطابق مذاکرات میں مستقبل میں کسی وبا کے مقابلے میں تعاون سمیت بارڈر ہیلتھ سروسز سیکورٹی کو مضبوط کرنے پر بات چیت ہو گی تاکہ ناگہانی وباء یا وائرس کو ملک میں روکنے سے بچا جا سکے ،مذاکرات میں ماں اور بچے کے صحت سے متعلق اور غذائیت سے متعلق بھی بات چیت ہوگی ۔