خلیج اردو
اسلام آباد : وزیر اعظم عمران خان آج کل سماجی رابطوں کی ویب سائیٹ پر ایک مہم چلا رہے ہیں جس میں وہ مختلف بڑی کمپنیوں سے اپیل کررہے ہیں کہ وہ اپنے ملازمین کی تنخواہوں میں اضافہ کریں۔
اس حوالے سے وزیر اعظم عمران خان نے ٹویٹ میں سیرین ایئر کے مالک کا شکریہ ادا کیا ہے جنہوں نے اپنے ملازمین کی تنخواہوں میں اضافہ کیا ہے۔
وزیر اعظم نے لکھا ہے کہ کم تنخواہ والےملازمین کی اجرت میں 44% جبکہ دیگر کی تنخواہوں میں 15-25% اضافےکے اعلان پر میں سیرین ایئرکےایئر وائس مارشل(ر)صفدر کامشکورہوں۔
I appreciate Serene Air's AVM Safdar(R) for responding to my call & announcing pay rise of 44% for low paid employees & 15-25% for other employees. I urge the top 100 corporations in Pak, who made record profits of Rs.950 bn in the last yr, to also raise their employees salaries.
— Imran Khan (@ImranKhanPTI) January 29, 2022
مسٹر خان کا کہنا ہے کہ گزشتہ برس 950 ارب کامنافع کمانےوالی پاکستان کی بڑی 100 کارپوریشنز سےبھی میری التماس ہےکہ وہ بھی اپنے ملازمین کی تنخواہیں بڑھائیں۔
اس سے قبل وزیر اعظم خان نے ایک ٹویٹ میں یہ بتایا تھا کہ میری استدعا پر عمل کرنے اور ملازمین کی تنخواہیں بڑھانے پر میں اے آر وائے ڈیجیٹل کے سی ای او اور صدر سلمان اقبال کا شکریہ ادا کرتا ہوں۔
I appreciate President & CEO of Ary Digital Network Salman Iqbal for responding to my call & raising salaries of employees. I am appealing to other companies who have made record profits during the past year to also raise salaries of their employees. pic.twitter.com/ss9tGjFWxA
— Imran Khan (@ImranKhanPTI) January 28, 2022
کرونا وائرس کی وباء کے بعد اکثر اداروں نے ملازمین کو نوکریوں سے نکالا اور متعدد نے ملازمین کی تنخواہوں میں کمی کی جس کے بعد اب جہاں معیشت کو حکومت کے بقول سنبھالا مل رہا ہے ، تو وزیر اعظم نے کمپنیوں کے مالکان سے کہا ہے کہ وہ ملازمین کی تنخواہوں میں اضافہ کرے۔
اسی سلسلے میں گزشتہ روز وزیر اعظم کے معاون خصوصی شہباز گل نے ایک ٹویٹ میں بتایا تھا کہ وہ میڈیا ہاؤسز میں جاکر ملازمین کی تنخواہوں میں اضافے کی اپیل کریں گے۔
اگلے ہفتے سے میں صحافیوں کے ایک وفد کے ساتھ تمام بڑے نیوز گروپس کے دفتروں میں خود جاؤں گا اور صحافیوں کی تنخواہیں بڑھانے کا مطالبہ کریں گے۔ جب پوری معیشت 5.37 پر گرو کر کر ہی ہے۔ میڈیا کو 40% کے قریب منافع ہوا ہے تو ایک عام صحافی کی تنخواہ نہ بڑھانہ سمجھ سے باہر ہے۔ آ
— Dr. Shahbaz GiLL (@SHABAZGIL) January 28, 2022
وزیر اعظم کی یہ اپیل اب ایک مہم بنتی جارہی ہے اور اس حوالے سے نیٹزین اسے عمدہ اقدام قرار دے رہے ہیں۔
وزیر اعظم کو جہاں اس اقدام پر سراہا جارہا ہے وہاں انہیں سرکاری ملازمین کی تنخواہوں میں اضافے کیلئے بھی مطالبہ کیا گیا ہے۔
