خلیج اردو
اسلام آباد: پاکستانی خاتون اینکر اور میراتھون رنر مونا خان کو یونان میں گرفتار کرلیا گیا۔مونا خان دو روز قبل ہائیکنگ کے ایونٹ میں شرکت کے لیے ایتھنز پہنچ تھیں
مونا خان کو گرفتار کرکے جیل منتقل کردیا گیا ہے جنہیں پیر کو عدالت میں پیش کیا جائے گا۔دفتر خارجہ کے مطابق پاکستانی سفارت خانے نے مونا خان کی گرفتاری کا معاملہ یونانی حکام کے ساتھ اٹھایا ہے ۔
ترجمان کے مطابق یونانی حکام سے مونا خان تک قونصلر رسائی مانگی ہے۔یونان میں پاکستانی سفارت خانہ موناخان کی گرفتاری کی وجوہات معلوم کررہا ہے۔پاکستانی سفارت خانہ خاتون اینکر کے رننگ کوچ ملک یوسف سے بھی رابطے میں ہے۔
