خلیج اردو
اسلام آباد : پاکستان تحریک انصاف نے اے این پی کے رہنما ایمل ولی خان کے اس بیان پر کہ عمران خان کو ٹھکانے لگانا ہوگا، قانونی کارروائی کی درخواست دی ہے۔
سابق وفاقی وزیر عمر ایوب نے تھانہ سیکرٹریٹ ایف ار درجہ کرنے کی درخواست دی ہے جس میں کہا گیا ہے کہ ایمل ولی اے این پی کے سربراہ نے عمران خان کو جان سے مارنے کی بات کی۔
درخواست میں موقف اختیار کیا گیا ہے کہ پی ڈی ایم غیر جمہوری عمل کی طرف شروع ہو چکی ہے۔لوگوں کو ٹھکانے لگانے کی سازش کر رہے ہیں۔ سکیورٹی فورسز اور وزرات داخلہ میں درخواستیں دی ہیں۔عمران خان کی جان کو خطرہ سکیورٹی دی جائے
عمر ایوب کا کہنا ہے کہ پی ایم ہاوس میں بیٹھ کر یہ لوگ کہہ رہے عمران خان کو ٹھکانے لگانے کی بات کر رہے ہیں۔ ہم عمران خان کے دفاع کے لیے سیسہ پلائی دیوار بن کر کھڑے ہیں۔
سابق وزیر کا کہنا ہے کہ تحریک انصاف ایک پر امن اور ملک میں پھیلی ہوئی جماعت ہے جبکہ وزیراعظم سی ڈی اے کی حدود تک کے وزیراعظم ہیں۔
