خلیج اردو
منصور الفلاسی نے بتایا کہ یہ ٹیکسی مکمل طور پر دبئی ٹیکسی کمپنی کے ڈیزائن کردہ ہے اور اسے اگلے سال کی پہلی سہ ماہی میں دبئی انٹرنیشنل ایئرپورٹ (DXB) پر چلایا جائے گا، اس کے بعد اسے شہر کے دیگر علاقوں میں بھی متعارف کرایا جائے گا۔
انہوں نے کہا کہ "یہ واقعی ایک علامتی گاڑی ہے، ایسی ٹیکسی دنیا کے کسی دوسرے ملک میں نہیں ملے گی، خاص طور پر ایئرپورٹس پر۔”
یہ پانچ نشستوں والی مکمل برقی گاڑی PV5 جدید ترین ٹیکنالوجی سے آراستہ ہے۔ گاڑی میں چھ بلٹ اِن کیمرے، کشادہ اندرونی حصہ اور 1,100 لیٹر تک سامان رکھنے کی گنجائش ہے۔ اس کا ڈیزائن اس طرح تیار کیا گیا ہے کہ یہ خصوصی ضروریات رکھنے والے افراد (People of Determination) کے لیے بھی موزوں ہو۔
منصور الفلاسی نے کہا کہ "گزشتہ تین دہائیوں میں DTC نے جو تجربہ اور مہارت حاصل کی، وہ سب اس گاڑی میں سمو دی گئی ہے۔”
انہوں نے مزید بتایا کہ دبئی ٹیکسی کمپنی اس وقت شہر میں 45 فیصد مارکیٹ شیئر رکھتی ہے اور اس کے فلیٹ میں تقریباً 6,200 ٹیکسیاں شامل ہیں، جن میں خواتین اور بچوں کے لیے مخصوص پنک ٹیکسیاں، خصوصی افراد کے لیے سہولیات سے آراستہ گاڑیاں اور 600 سے زائد پریمیئم لیموزینز بھی شامل ہیں۔
الفلسی نے کہا کہ فی الحال اس نئی گاڑی کی تعداد کا فیصلہ نہیں کیا گیا تاہم "یہ یقیناً قابلِ ذکر تعداد میں متعارف کرائی جائے گی۔”
انہوں نے بتایا کہ "فی الحال اس گاڑی میں خودکار (autonomous) خصوصیت شامل نہیں، لیکن مستقبل میں یہی اگلا مرحلہ ہوگا۔” جنوبی کوریا کی کمپنی "کِیا” (Kia) اس گاڑی کی تیاری میں شریک ہے اور خودکار ٹیکنالوجی پر مزید تحقیق کر رہی ہے۔
دبئی کی یہ نئی "علامتی ٹیکسی” شہر کی جدید ٹرانسپورٹ شناخت میں ایک نیا باب رقم کرے گی۔
