خلیج اردو
ابوظبہی : متحدہ عرب امارات کے ہرزدلعزیز مرحوم صدر شیخ خلیفہ بن زاید النہیان کی وفات پر تعزیت کیلئے امریکی نائب صدر کمالہ حارث کی سربراہی میں اعلی سطح کا ایک وفد ابوظبہی میں یو اے ای کے صدر شیخ محمد بن زاید النہیان سے تعزیت کرے گا۔
اس وفد میں سیکریٹری آف اسٹیٹ انٹونی بلنکن، سیکریٹری دفاع لائیڈ آسٹن، سی آئی اے کے ڈائریکٹر ولیم برنز اور موسمیات کے سفیر جان کیری سمیت دیگر شامل ہیں۔
بلنکن پہلے ابوظہبی میں اپنے اماراتی ہم منصب کے ساتھ بات چیت سے پہلے پہنچے تھے۔ یہ بائیڈن انتظامیہ کے اہلکاروں کا ابوظہبی کا اعلیٰ ترین عوامی دورہ ہے۔
I am traveling to Abu Dhabi, United Arab Emirates to express condolences on the passing of the President of the UAE, Sheikh Khalifa bin Zayed Al Nahyan. I will emphasize the importance our partnership and the desire to further strengthen our ties.
— Vice President Kamala Harris (@VP) May 15, 2022
شیخ خلیفہ کا انتقال 13 مئی کو بروز جمعہ ہوا تھا۔
اس سے قبل برطانوی وزیر اعظم بورس جونسن اور فرانسیسی صدر ایمیونئیل میکرون پہلے یورپی لیڈر تھے جو یو اے ای تعزیت کیلئے آئے تھے۔
امریکی نائب صدر ہیریس نے نامہ نگاروں کو بتایا کہ امریکہ متحدہ عرب امارات کے ساتھ ہمارے تعلقات اور شراکت کی مضبوطی کو کافی سنجیدگی سے لیتا ہے۔ ہم نہ صرف اپنی تعزیت کے اظہار کے لیے وہاں جا رہے ہیں بلکہ یو اے ای کے ساتھ رشتے کی مضبوطی کے لیے اپنی وابستگی کے اظہار کے طور پر بھی دورہ کررہے ہیں۔
Source: Khaleej Time
