خلیج اردو
ابوظبہی : متحدہعرب امارات میں نجی کمپنیوں کیلئے اعلان کیا گیا ہے کہ اگر وہ ایمریٹائزیشن کی 93 فیصد سے زائد کی شرح کو حاصل کرنے میں کامیاب ہو جاتے ہیں تو انہیں وزارت کی فیس میں 93 فیصد تک رعایت دی جائے گی۔
وزارت انسانی وسائل اور ایمریٹائزیشن نے منگل کو نجی شعبے کی فرموں کے لیے ایک نئے کیٹگری کے نظام کا اعلان کیا ہے۔
نیا نظام یکم جون سے نافذ ہو رہا ہے۔ اس میں کمپنیوں کو تین حصوں میں تقسیم کیا گیا ہے۔ پہلی ریٹنگ حاصل کرنے والی فرموں کو فیس پر بڑے پیمانے پر رعایت ملتی ہے جبکہ تیسری پوزیشن حاصل کرنے والی فرموں کو پوری فیس ادا کرنی ہوگی۔
رعایت کا اطلاق متعدد خدمات پر ہوتا ہے جن میں دو سالہ ورک پرمٹ کا اجراء اور معاہدہ کی تجدید شامل ہیں۔
وزیر انسانی وسائل اور ایمریٹائزیشن ڈاکٹر عبدالرحمن العوار نے وضاحت کی ہے کہ معیارات میں ایمریٹائزیشن، ملازمین کا ثقافتی تنوع اور مزدوری کے قوانین سے وابستگی شامل ہے۔
کیٹگری 1
نجی شعبے کی فرموں کو اپنی اماراتی شرحوں میں سالانہ 2 فیصد اضافہ کرنے کی ضرورت ہے۔ متحدہ عرب امارات کی کابینہ کی ایک حالیہ قرارداد کے ذریعے لازمی قرار دیا گیا ہے۔ جو کمپنیاں اس ضرورت سے تجاوز کرتی ہیں تو انہیں فرسٹ کیٹگری میں رکھا جائے گا۔ایسی کمپنیاں درہم 3,450 تک کی اصل فیس کے بجائے صرف 250 درہم ادا کریں گی۔
فرموں کو یہ درجہ بندی اس صورت میں ملے گی اگر وہ ملازمت سے متعلق تمام اصولوں پر عمل کریں اور اجرت کے تحفظ کے نظام سے وابستگی کے علاوہ کچھ دوسرے معیارات میں سے ایک کو حاصل ہے۔
1. سالانہ ایمریٹائزیشن کی شرح میں 2 فیصد کے مقررہ ہدف سے کم از کم تین گنا زیادہ اضافہ کرنا۔
2. ہر سال کم از کم 500 شہریوں کی خدمات حاصل کرنے اور تربیت دینے کے لیے اماراتی ٹیلنٹ مسابقتی پروگرام نافیس کے ساتھ مل کر کام کرنا۔
3. ایک چھوٹے اور درمیانے درجے کے انٹرپرائز کے طور پر درجہ بندی کی گئی ہے۔
کیٹگری 2:
نجی ادارے جو متحدہ عرب امارات کے تمام لیبر قوانین اور ضوابط پر عمل کرتے ہیں لیکن دوسرے معیارات پر پورا نہیں اترتے ہیں تو انہیں 1200 درہم فیس ادا کرنی ہوگی۔
کیٹگری 3:
وہ کاروباری مراکز جو قوانین کو توڑتے ہیں یا لیبر قانون کی پابندی نہیں کرتے ہیں انہیں تمام فیسیں ادا کرنے کی ضرورت ہوگی۔
ایمریٹائزیشن کے اہداف :
متحدہ عرب امارات کی کابینہ نے اس سے قبل نجی فرموں میں اضافے کی منظوری دی تھی۔ ایمریٹائزیشن کی شرح 2 فیصد سالانہ رکھی گئی تھی جس کا مقصد 2026 تک اس شرح کو 10 فیصد تک بڑھانا ہے۔
اس سے تمام معاشی شعبوں میں شہریوں کے لیے سالانہ 12,000 سے زیادہ ملازمتوں کے مواقع پیدا ہوں گے۔ غیر تعمیل کرنے والی کمپنیوں کو جنوری 2023 سے ہر بے روزگار شہری کے لیے 6,000 درہم کی رقم ادا کرنی ہوگی۔
Source: Khaleej Times
