پی ٹی آئی پر غیر ملکی ممنوعہ فنڈنگ ثابت ہو گئی، پاکستان تحریک انصاف کو اظہار وجوہ کا نوٹس جاری کر دیا گیا

خلیج اردو
اسلام آباد : پاکستان کے الیکشن کمیشن نے پاکستان تحریک انصاف کے خلاف ممنوعہ فنڈنگ کیس کا فیصلہ سنا دیا۔ پارٹی پر ممنوعہ ذرائع سے فنڈز لینے کا الزام ثابت ہو گیا۔

الیکشن کمیشن نے عمران خان کے بیان حلفی کو حقائق کے منافی قرار دیا ہے۔ فیصلے میں کہا گیا کہ سربراہ تحریک انصاف نے سال 2008 سے2013 تک غلط ڈیکلریشن دیئے۔16 بنک اکاونٹس چھپانا آرٹیکل 17 کی خلاف ورزی ہے۔

چیف الیکشن کمشنر نے فیصلہ سناتے ہوئے کہا کہ یہ تین رکنی بنچ کا متفقہ فیصلہ ہے۔ عمران خان نے الیکشن کمیشن میں غلط ڈیکلیریشن جمع کرایا۔ سربراہ تحریک انصاف نے سال 2008 سے2013 تک غلط ڈیکلریشن دیئے۔ 16 بنک اکاونٹس چھپانا آرٹیکل 17 کی خلاف ورزی ہے۔

الیکشن کمیشن نے اپنے فیصلے میں کہاکہ پی ٹی آئی نے امریکہ سے ایل ایل سی سے فنڈنگ لی۔ کمیشن مطمئن ہوگیا کہ مختلف کمپنیوں سے ممنوعہ فنڈنگ لی گئی ہے۔

بتایا گیا ہے کہ پی ٹی آئی نے شروع میں 8 اکاونٹس کی تصدیق کی۔ تحریک انصاف نے عارف نقوی سے فنڈز لیے۔

پی ٹی آئی نے 34 غیر ملکیوں سے فنڈز لیے اور 8 اکائونٹس کو اون کیا جبکہ تحریک انصاف نے 13 اکائونٹس پوشیدہ رکھے۔

فیصلے میں کہا گیا کہ ابراج گروپ، آئی پی آئی اور یوایس آئی سے لی گئی ہے۔