خلیج اردو
اسلام آباد: پاکستان تحریک انصاف نے افواج پاکستان کے گزشتہ روز بیان پر ردعمل میں کہا ہے کہ افراد پر تنقید کو اداروں پر تنقید قرار دینے کے الزام کو مسترد کرتے ہیں۔
پاکستان تحریک انصاف کے مرکزی سیکرٹری جنرل اسد عمر نے آئی ایس پی آر کے کل کے بیان پر کہا ہے کہ عمران خان کیخلاف بےبنیاد الزامات عائد کئے ہیں۔عمران خان نے اداروں کیخلاف بات کرنے کے بجائے ہمیشہ اداروں کی مضبوطی کی ضرورت پر آواز اٹھائی ہے۔
Any attempt to equate criticism of individuals with criticism of the institution is rejected. The institution deserves love and respect based on the sacrifices made by its members to protect the nation. Each and every individual is not necessarily worthy of that love & respect
— Asad Umar (@Asad_Umar) November 5, 2022
مسٹر عمر نے کہا ہے کہ افراد پر تنقید کو ہرگز اداروں پر تنقید کا رنگ نہ دیا جائے۔آئی ایس پی آر بتائے اگر اداروں کا کوئی شخص کوئی غلط کام نہیں کرتا تو کورٹ مارشل کیوں کئے جاتے ہیں۔ ماضی میں تو جنرل آفیسرز تک کا کورٹ مارشل کیا گیا۔ اگر اداروں کے افراد ایسے کام کرتے ہیں جس سے کورٹ مارشل کے حقدار ٹھہرتے ہیں تو انفرادی حیثیت میں ان پر تنقید کیوں ممکن نہیں۔
If ISPR wants to hear what disrespect for martyrs and the institution sound like, all they have to do is listen to the famous NA speech of the current defense minister where he claims the institution has ripped off the flesh of the nation from its bones!!!
— Asad Umar (@Asad_Umar) November 5, 2022
انہوں نے کہا ہے کہ افراد پر تنقید کو اداروں پر تنقید کا رنگ دینے کی ہر کوشش کو مسترد کرتے ہیں۔ اہلکاروں کیجانب سے قومی دفاع کیلئے جانوں کے نذرانے پیش کرنے پر ادارہ محبت و احترام کا حقدار ہے۔ ضروری نہیں کہ ادارے کا ہر ایک شخص بھی اسی احترام و محبت کا حقدار ہو۔
اسد عمر کا کہنا ہے کہ اگر ڈی جی آئی ایس پی آر سننا چاہتے ہیں کہ شہداء اور اداروں توہین کیا اور کیسے ہوتی ہے تو مدد کئے دیتے ہیں۔ ڈی جی آئی ایس پی آر موجودہ وزیرِ دفاع کی قومی اسمبلی میں مشہورِ زمانہ تقریر سماعت فرمائیں۔ وزیر موصوف نے ایوان میں کھڑے ہو کر برملا کہا تھا کہ اداروں بے عوام کی ہڈیوں سے گوشت تک نچوڑ اور اتار لیا ہے۔
