
خلیج اردو
برطانیہ :کار میں سفر کے دوران سیٹ بیلٹ نہ پہننے پر برطانوی وزیر اعظم رشی سونک نے معافی مانگ لی۔
برطانوی وزیر اعظم رشی سونک کو گزشتہ دنوں سوشل میڈیا پر ایک ویڈیو میں کار میں سفر کے دوران گفتگو میں بغیر سیٹ بیلٹ پہنے سفر کرتے ہوئےدیکھا گیا تھا۔
تاہم بعد ازاں غلطی کا احساس ہونے پر برطانوی وزیر اعظم کے ترجمان کی جانب سے بیان جاری کیاگیا کہ رشی سونک نے سوشل میڈیا کے لیے ویڈیو بنانے کیلئے گفتگو کرتے ہوئے کچھ وقت کے لیے سیٹ بیلٹ اتار دیا تھا لیکن احساس ہونے پر انہوں نے اپنی غلطی مانتے ہوئے معذرت کی ہے۔
بیان میں مزید کہا گیا ہے کہ برطانوی وزیر اعظم کا ماننا ہے کہ ہر شہری کو سفر کے دوران سیلٹ بیلٹ ضرور پہننا چاہیے۔
یاد رہے اس پہلے بھی رشی سونک کے سفری انتظامات کو تنقید کا نشانہ بنایا گیا جب اس کے حوالے سے سامنے آیا کہ اس نے عام لوگوں کی ٹیکس پر چلنے والے جیٹ پر شمال مغرب سے شمال مشرقی انگلینڈ تک 28 منٹ کی پرواز کی کیونکہ اس نے جمعرات کو کمیونٹی پروجیکٹس کے لیے حکومتی فنڈنگ کو فروغ دیا۔