خلیج اردو
ترکیہ :تفصیلات کے مطابق ترکیہ میں تباہ کن زلزلے کے 23 دن بعد ایک کتے کو ملبے سے زندہ نکال لیاگیا ہے۔
ریسکیو حکام کے مطابق کھانے، پانی اور سورج کی روشنی کے بغیر زندہ رہنے والے کتے کو2 گھنٹے طویل ریسکیو آپریشن کے بعد ملبے سے زندہ نکال کر اسپتال منتقل کیا گیا ۔
ریسکیو اہلکاروں کے مطابق ملبے سے آواز آئی، قریب جانے پرکتے کی آواز محسوس ہوئی ،جگہ کافی تنگ تھی تاہم وہاں ایک چھوٹا سا سوراخ تھا جس میں سے کتے کی ناک دکھائی دی اور پھر ہم نے 2 گھنٹے کے آپریشن کے بعد کتے کو زندہ نکال لیا ہے۔
سوشل میڈیا پر کتے کو ریسکیو کرنے کی ویڈیو وائرل ہورہی ہے جس نے ہر دیکھنے والے کو خوشی کے ساتھ حیرت میں مبتلا کردیا کہ زلزلے کے 23 دن گزرجانے کے بعد بھی بغیر کچھ کھائے پیے کتے کو زندہ بچالیا گیا۔
Hatay'ın Akcurun Köyü'nde depremin yaralarını sarmak için çalışan Seydişehir Belediyesi ekipleri Alex isimli köpeği enkaz altından canlı çıkarttı.https://t.co/9VFo7SgHLy pic.twitter.com/JHw5pQztN3
— Konhaber.com 🇹🇷 (@konhaber) March 1, 2023
اس سے قبل ترکیہ میں آئے خوفناک زلزلے کو 17 روز گزرنے کے باوجود ملبے تلے دبی 8 بھیڑوں کو معجزاتی طور پر زندہ نکالا گیا تھا۔
واضح رہے کہ 6 فروری کو ترکیہ اور شام میں آنے والے 7.8 کی شدت کے زلزلے میں 50 ہزار سے زیادہ افراد جان سے گئے جب کہ لاکھوں زخمی اور دیگر افراد بے گھر ہوگئے۔
زلزلے کے نتیجے میں سیکڑوں عمارت تباہ ہوئیں جبکہ ریسکیو حکام کی جانب سے ملبے کو ہٹانے کا کام اب بھی جاری ہے۔
