خلیج اردو
امریکہ :نیدرلینڈز نےروس کا مقابلہ کرنے کے لیے امریکی ساختہ پیٹریاٹ میزائل سسٹم یوکرین کوفراہم کرنے کا اعلان کر دیا۔
ڈچ میڈیا کے مطابق وزیراعظم مارک روتھ نے یوکرین کو پیٹریاٹ میزائل ڈیفنس سسٹم دینے کا کہا ہے۔
ڈچ وزیراعظم نے یوکرین کو پیٹریاٹ میزائل سسٹم دینے کا اعلان واشنگٹن میں امریکی صدر بائیڈن سے ملاقات میں کیا، اس سے پہلے امریکا بھی یوکرین کو جدید پیٹریاٹ میزائل سسٹم دینے کا کہہ چکا ہےجبکہ جرمنی نے 5 جنوری کو اعلان کیا تھا کہ وہ یوکرین کو جدید میزائل ڈیفنس بیٹریوں میں سے ایک بھیجنے میں امریکہ کی پیروی کر رہا ہے۔
مارک نے ہفتے کے روز ڈنیپرو شہر میں روسی میزائل سے تباہ ہونے والی اپارٹمنٹ کی عمارت کی فوٹیج کا حوالہ دیتے ہوئے کہا کہ مجھے لگتا ہے کہ اس سے یوکرین کے ساتھ رہنے کے ہمارے عزم کو مزید تقویت ملتی ہے۔
واضح رہے کہ امریکا اور یورپی ممالک روس کی یوکرین میں جارحیت کے خلاف یوکرین کی فوجی امداد کر رہے ہیں۔
