خلیج اردو
15 اکتوبر 2025
دبئی کی سب سے بڑی پبلک پارکنگ فراہم کرنے والی کمپنی Parkin PJSC نے اعلان کیا ہے کہ آنے والے دو سالوں میں شہر کے مصروف ترین تجارتی علاقوں میں ٹریفک کے دباؤ کو کم کرنے کے لیے پانچ نئے ملٹی اسٹوری کار پارکنگ بلڈنگز تعمیر کی جائیں گی۔
ان پانچ بلڈنگز میں سے ایک پہلے ہی بر دبئی کے علاقے ال سوق الکبیر میں زیر تعمیر ہے، جبکہ دوسری ال صبحکا، ال رگا میں ڈیزائن کے مراحل میں ہے۔ باقی تین بلڈنگز ہائی ڈیمانڈ والے علاقوں جیسے ڈاؤن ٹاؤن دبئی اور دیرہ میں تعمیر کی جائیں گی۔
Gitex Global کے موقع پر صحافیوں سے گفتگو کرتے ہوئے Parkin کے سی ای او انجینئر محمد علی نے بتایا کہ یہ ملٹی اسٹوری کار پارکنگ بلڈنگز ان مصروف علاقوں میں ٹریفک کی روانی بہتر بنانے میں مدد کریں گی۔ انہوں نے مزید کہا کہ یہ تعمیرات Parkin کی سمارٹ پارکنگ انفراسٹرکچر اور پائیدار شہری نقل و حرکت کے عزم کی عکاس ہیں۔
محمد علی کے مطابق، Parkin اس وقت 3,651 پارکنگ اسپیسز کے ساتھ اوڈ میتھا، ال جافیلیہ، بنی یاس، نائف، ال غبیبا، ال ستوا اور ال رگا میں ملٹی اسٹوری کار پارکس کا انتظام کر رہا ہے۔ یہ سہولیات ہائی ڈیمانڈ والے علاقوں میں ٹریفک کو کم کرنے اور رسائی کو بہتر بنانے میں مددگار ثابت ہو رہی ہیں۔
