خلیج اردو
ابوظہبی: متحدہ عرب امارات نے پاکستان اور افغانستان کے درمیان فوری جنگ بندی کے معاہدے اور امن و استحکام کو فروغ دینے کے لیے مشترکہ نظام قائم کرنے کے فیصلے کا خیر مقدم کیا ہے۔
وزارت خارجہ نے اپنے بیان میں قطر اور ترکیہ کی ان سفارتی کاوشوں کو سراہا جنہوں نے دونوں ممالک کے درمیان تعمیری مذاکرات کے لیے سازگار ماحول فراہم کیا اور باہمی سمجھ بوجھ کو فروغ دینے میں اہم کردار ادا کیا۔
یو اے ای نے اس عزم کا اعادہ کیا کہ وہ ہر اس کوشش کی حمایت جاری رکھے گا جو خطے میں امن، سلامتی اور استحکام کے فروغ کے ساتھ ساتھ پاکستان اور افغانستان کے عوام کی ترقی و خوشحالی کے خوابوں کو حقیقت بنانے میں مددگار ثابت ہو۔
