خلیج اردو
خلاصہ: خطے کی بگڑتی سکیورٹی صورتحال کے باعث برطانیہ نے ایران سے سفارتی عملہ عارضی طور پر واپس بلا لیا، جبکہ برطانوی شہریوں کیلئے سفارتخانہ اب صرف ریموٹ بنیادوں پر خدمات فراہم کرے گا۔
برطانیہ نے خطے میں سکیورٹی صورتحال کے پیش نظر ایران سے اپنے سفارتی عملے کو عارضی طور پر واپس بلا لیا ہے۔
برطانوی وزارت خارجہ کے مطابق ایران میں موجود برطانوی شہریوں کی مدد کی صلاحیت اب انتہائی محدود ہو چکی ہے جبکہ سفارتخانہ اب ریموٹ بنیادوں پر کام کرے گا۔
حکام نے مزید بتایا کہ ہنگامی حالات میں بھی قونصلر کی بالمشافہ سہولت دستیاب نہیں ہوگی۔
دوسری جانب امریکی صدر ڈونلڈ ٹرمپ نے منگل کو اپنے اسٹیٹ آف دی یونین خطاب میں ایران پر ممکنہ حملے کا عندیہ دیتے ہوئے کہا کہ وہ سفارتی حل کو ترجیح دیتے ہیں تاہم تہران کو جوہری ہتھیار حاصل نہیں کرنے دیں گے۔
تجزیہ کاروں کے مطابق حالیہ پیش رفت خطے میں بڑھتی کشیدگی اور عالمی سفارتی دباؤ کی عکاسی کرتی ہے۔
