ایران پر مسلط جنگ کو تین ہفتے مکمل، پاسداران انقلاب کے مسلسل حملے، اسرائیل و امریکی اہداف نشانے پر، خطے میں کشیدگی میں خطرناک اضافہ

خلیج اردو
ایران پر امریکا اور اسرائیل کی جانب سے مسلط کردہ جنگ کو تین ہفتے مکمل ہو گئے ہیں، اس دوران پاسداران انقلاب کی جانب سے امریکی اور اسرائیلی اہداف پر مسلسل حملے جاری ہیں۔

رپورٹس کے مطابق پاسداران انقلاب نے اپنے سترہویں نہیں بلکہ ستر ویں بڑے حملے میں مشرق وسطیٰ اور اسرائیل میں پچپن مقامات کو نشانہ بنایا۔

ایران نے پہلی بار چار ہزار کلومیٹر دور Diego Garcia جزیرے پر امریکا اور برطانیہ کے مشترکہ فضائی اڈے پر بیلسٹک میزائل داغے، جو کسی امریکی ہدف پر مشرق وسطیٰ سے باہر کیا جانے والا طویل ترین حملہ قرار دیا جا رہا ہے۔

امریکی اخبار کے مطابق یہ کارروائی برطانیہ کی جانب سے امریکا کو فوجی اڈوں کے استعمال کی اجازت اور پیشگی انتباہ کے بعد کی گئی، جس پر برطانیہ نے شدید مذمت بھی کی ہے۔

دوسری جانب عراق میں امریکی فوجی اڈے پر حملے کے بعد آگ بھڑک اٹھی، جس سے خطے کی صورتحال مزید کشیدہ ہو گئی۔

ایران نے اسرائیل پر میزائل حملوں کی سڑسٹھویں لہر میں Haifa اور Tel Aviv سمیت پچیس مقامات کو نشانہ بنایا۔

ایران نے خبردار کیا ہے کہ اگر ایرانی جزیروں پر دوبارہ حملہ ہوا تو متحدہ عرب امارات کی ریاست Ras Al Khaimah کو نشانہ بنایا جائے گا، اور شہریوں کو علاقہ خالی کرنے کی ہدایت بھی کی گئی ہے۔

یہ پیش رفت اس بات کی نشاندہی کرتی ہے کہ خطے میں جاری کشیدگی ایک بڑے اور خطرناک تصادم کی شکل اختیار کر سکتی ہے، جس کے اثرات عالمی سطح پر بھی محسوس کیے جا سکتے ہیں۔