خلیج ٹائمز کے دو دیرینہ سبسکرائبرز کی قسمت جاگ اٹھی، ہیرے کے ہار جیت لیے، برسوں کی وفاداری پر خوشی کی نئی داستان رقم

خلیج اردو
متحدہ عرب امارات میں مقیم دو طویل عرصے سے خلیج ٹائمز کے سبسکرائبرز نے ہیرے کے ہار جیت کر خوشی کا اظہار کیا ہے۔ دبئی کی رہائشی نونیت، جو 1989 سے اخبار کی قاری ہیں، رواں سال کی سبسکرپشن مہم کے تحت ہونے والی قرعہ اندازی میں کامیاب قرار پائیں۔

نونیت نے خلیج ٹائمز کے ہیڈکوارٹر پہنچ کر اپنا انعام وصول کرتے ہوئے کہا، "یہ میری زندگی کا پہلا موقع ہے جب میں نے کوئی انعام جیتا ہے۔ میں 1989 میں متحدہ عرب امارات آنے کے بعد سے مسلسل خلیج ٹائمز پڑھ رہی ہوں اور میرا دن اخبار کے بغیر شروع نہیں ہوتا۔”

دو بچوں کی والدہ نونیت نے بتایا کہ سبسکرپشن ان کے شوہر سکدیپ سنگھ کے نام پر تھی۔ ان کے مطابق جب شوہر کو جیت کی اطلاع ملی تو انہیں بے حد خوشی ہوئی کیونکہ اس سے قبل وہ کبھی کسی قرعہ اندازی میں کامیاب نہیں ہوئی تھیں۔

شارجہ میں مقیم ریگھو نائر بھی ہیرے کا ہار جیتنے والوں میں شامل ہیں۔ 17 برس سے یو اے ای میں مقیم ریگھو ایک سماجی ذمہ داری آڈیٹر کے طور پر خدمات انجام دے رہے ہیں۔ وہ اپنی اہلیہ ریکھا کے ہمراہ انعام وصول کرنے پہنچے۔

ریگھو نائر نے بتایا، "ہم نے 17 سال قبل خلیج ٹائمز کی سبسکرپشن شروع کی تھی۔ ایک مرتبہ کسی اور اخبار کی سبسکرپشن لی، لیکن خلیج ٹائمز کی کمی محسوس ہوئی، اس لیے ایک سال بعد دوبارہ اسی اخبار کی طرف لوٹ آئے اور تب سے مستقل قاری ہیں۔”

ان کی اہلیہ ریکھا، جو شارجہ میں تدریس کے شعبے سے وابستہ ہیں، نے کہا کہ ہر بار گھر تبدیل کرنے پر وہ فوری طور پر سبسکرپشن ڈیسک کو مطلع کرتی تھیں تاکہ اخبار کی ترسیل بلا تعطل جاری رہے۔ انہوں نے ہیرے کے ہار کو اپنی خوشی میں اضافے کا باعث قرار دیا۔

ریگھو نائر اور نونیت خلیج ٹائمز اور جوی الوکاس کے اشتراک سے منعقدہ مہم کے تیسرے اور چوتھے فاتح ہیں۔ اس مہم کے تحت مجموعی طور پر پانچ ہیرے کے ہار قرعہ اندازی کے ذریعے دیے جا رہے ہیں، جبکہ آخری مرحلے میں ایک خوش نصیب سبسکرائبر کو لنک اینڈ کو گاڑی جیتنے کا موقع بھی ملے گا۔

سالانہ پرنٹ سبسکرپشن پیکیج کی قیمت 549 درہم مقرر کی گئی ہے، جس کے ساتھ مختلف برانڈز کی جانب سے رعایتی واؤچرز اور خصوصی سہولیات بھی فراہم کی جا رہی ہیں۔