خلیج اردو
بھارت سے متحدہ عرب امارات آنے والے سیاح اب دبئی کی معروف سیاحتی منزل At the Top, Burj Khalifa کی ٹکٹیں آن لائن بک کرتے وقت بھارتی ڈیجیٹل پیمنٹ سسٹم UPI کے ذریعے ادائیگی کرسکیں گے۔
یہ سہولت Neopay، NPCI International Payments Limited اور Emaar Entertainment کے درمیان شراکت داری کے تحت متعارف کرائی گئی ہے۔ At the Top دبئی کی پہلی سیاحتی کشش بن گئی ہے جہاں آن لائن بکنگ کے لیے UPI ادائیگی قبول کی جارہی ہے۔
بھارتی سیاح متحدہ عرب امارات پہنچنے سے پہلے ہی ویب سائٹ پر جاکر برج خلیفہ کی ٹکٹ بک اور ادائیگی کرسکیں گے۔
Neopay اور NPCI International کے درمیان شراکت داری کے تحت بھارتی سیاح 2022 سے متحدہ عرب امارات میں مختلف اسٹورز پر QR کوڈ کے ذریعے UPI ادائیگی بھی کرسکتے ہیں۔
کمپنیوں کے مطابق اس اقدام سے بھارت اور یو اے ای کے درمیان ڈیجیٹل ادائیگیوں کا رابطہ مزید مضبوط ہوگا اور بھارتی سیاحوں کے لیے دبئی میں تفریح اور خریداری کا تجربہ مزید آسان ہوجائے گا۔
Emaar Entertainment کے مطابق بھارت کمپنی کی اہم بین الاقوامی مارکیٹس میں شامل ہے اور UPI کی سہولت متعارف کرانے سے بھارتی مہمانوں کے لیے سفر کی منصوبہ بندی سے لے کر دبئی پہنچنے تک پورا عمل زیادہ آسان اور سہل ہوگا۔
