خلیج اردو
کویت کی وزارتِ تعلیم نے "مفادِ عامہ” کے پیشِ نظر ایک ایرانی نجی اسکول کا تعلیمی لائسنس منسوخ کرتے ہوئے اسے بند کرنے کا حکم دے دیا ہے۔
سرکاری خبر رساں ایجنسی کونا (KUNA) کے مطابق وزیرِ تعلیم سید جلال الطبطبائی نے جمعرات کو نجی تعلیمی اداروں سے متعلق قوانین کے تحت یہ فیصلہ جاری کیا۔
وزارتِ تعلیم کا کہنا ہے کہ اسکول کو تعلیمی سال 2026-2027 سے نئے طلبہ کے داخلے فوری طور پر روکنے ہوں گے۔
حکام کے مطابق موجودہ طلبہ کے والدین کو آگاہ کیا جائے گا تاکہ وہ نئے تعلیمی سال کے آغاز سے قبل اپنے بچوں کا داخلہ دیگر اسکولوں میں منتقل کرا سکیں۔
وزارتِ تعلیم نے فیصلے کی مزید تفصیلات یا اسکول کی بندش کی کوئی اضافی وجہ بیان نہیں کی۔
