خلیج اردو
دبئی میں مقیم 38 سالہ فلپائنی خاتون زین ایرین گارسیلس یو اے ای لاٹری کی نئی بڑی فاتح بن گئی ہیں، جنہوں نے 50 لاکھ درہم کا دوسرا انعام جیت لیا۔
گارسیلس نے بتایا کہ جب انہیں معلوم ہوا کہ ان کا ٹکٹ 50 لاکھ درہم کا انعام جیت چکا ہے تو وہ فوری طور پر اس رقم کو سمجھ نہیں سکیں۔
انہوں نے کہا کہ "میں پہلے تو یقین ہی نہیں کر سکی، مجھے اپنے شوہر سے پوچھنا پڑا کہ اس رقم میں کتنے زیروز ہیں۔”
یو اے ای لاٹری کے مطابق گارسیلس اس تاریخ کی تیسری کھلاڑی ہیں جنہوں نے 50 لاکھ درہم کا دوسرا انعام حاصل کیا ہے۔
اس سے قبل صرف پانچ ہفتوں کے اندر دو کھلاڑی 3 کروڑ درہم کے گرینڈ پرائز جیت چکے ہیں۔ یوں تقریباً تین ماہ کے دوران لاٹری میں مجموعی طور پر 6 کروڑ 50 لاکھ درہم کے بڑے انعامات دیے جا چکے ہیں۔
یو اے ای لاٹری کے مطابق "لکی ڈے” کے آغاز سے اب تک 28 کروڑ درہم سے زائد انعامات تقسیم کیے جا چکے ہیں۔
لاٹری انتظامیہ نے کہا کہ ہر فاتح کی اپنی منفرد کہانی ہوتی ہے اور زین ایرین گارسیلس کی کامیابی بھی خوشی کا باعث ہے۔ خاتون نے ابھی تک یہ نہیں بتایا کہ وہ انعامی رقم کو کس طرح استعمال کریں گی، تاہم یہ رقم ان کے خاندان کی مدد اور مستقبل کی منصوبہ بندی میں اہم کردار ادا کر سکتی ہے۔
