خلیج اردو
متحدہ عرب امارات کے صدر شیخ محمد بن زاید آل نہیان اور امارات کی سپریم کونسل کے ارکان و حکمرانوں نے دبئی کے حکمران، نائب صدر اور وزیراعظم شیخ محمد بن راشد آل مکتوم سے ان کے بھائی شیخ احمد بن راشد آل مکتوم کے انتقال پر تعزیت کی۔
تعزیت کرنے والوں میں شارجہ کے حکمران شیخ ڈاکٹر سلطان بن محمد القاسمی، فجیرہ کے حکمران شیخ حمد بن محمد الشرقی، ام القیوین کے حکمران شیخ سعود بن راشد المعلا، راس الخیمہ کے حکمران شیخ سعود بن صقر القاسمی اور صدارتی عدالت کے چیئرمین و نائب وزیراعظم شیخ منصور بن زاید آل نہیان شامل تھے۔
دبئی کے زعبیل میں بھی مختلف شخصیات نے شیخ محمد بن راشد آل مکتوم سے تعزیت کی۔ ان میں ابوظہبی کے ولی عہد شیخ خالد بن محمد بن زاید آل نہیان، شارجہ کے ولی عہد شیخ سلطان بن محمد بن سلطان القاسمی، عجمان کے ولی عہد شیخ عمار بن حمید النعیمی، فجیرہ کے ولی عہد شیخ محمد بن حمد الشرقی، ام القیوین کے ولی عہد شیخ راشد بن سعود المعلا اور راس الخیمہ کے ولی عہد شیخ محمد بن سعود بن صقر القاسمی شامل تھے۔
اس موقع پر شیخ طحون بن زاید آل نہیان، شیخ حمدان بن زاید آل نہیان، شیخ ہزاع بن زاید آل نہیان، شیخ سرور بن محمد آل نہیان، نائب وزیراعظم و وزیر داخلہ لیفٹیننٹ جنرل شیخ سیف بن زاید آل نہیان اور دیگر شاہی شخصیات، حکام اور شہری بھی موجود تھے۔
تعزیت کے دوران شرکا نے مرحوم شیخ احمد بن راشد آل مکتوم کی قومی خدمات اور متحدہ عرب امارات کے قیام اور ریاستی اداروں کی تشکیل کے ابتدائی دور سے ملک اور معاشرے کے لیے ان کی خدمات اور کردار کو خراجِ تحسین پیش کیا۔
شیخ احمد بن راشد آل مکتوم کے انتقال پر تعزیت وصول کرنے والوں میں دبئی کے ولی عہد، نائب وزیراعظم اور وزیر دفاع شیخ حمدان بن محمد بن راشد آل مکتوم، دبئی کے فرسٹ ڈپٹی حکمران، نائب وزیراعظم و وزیر خزانہ شیخ مکتوم بن محمد بن راشد آل مکتوم، دبئی کے سیکنڈ ڈپٹی حکمران شیخ احمد بن محمد بن راشد آل مکتوم، دبئی سول ایوی ایشن اتھارٹی کے چیئرمین اور دبئی ایئرپورٹس کے چیئرمین و چیف ایگزیکٹو شیخ احمد بن سعید آل مکتوم، یو اے ای نیشنل اولمپک کمیٹی کے صدر شیخ منصور بن محمد بن راشد آل مکتوم اور شیخ ماجد بن محمد بن راشد آل مکتوم سمیت دیگر شخصیات شامل تھیں۔
