خلیج اردو
متحدہ عرب امارات میں آج موسم صاف سے جزوی طور پر ابر آلود رہنے کی پیش گوئی کی گئی ہے، جبکہ ملک میں کئی ماہ جاری رہنے والی شدید گرمی کے بعد موسم خزاں کا آغاز بھی ہوگیا ہے۔
نیشنل سینٹر آف میٹرولوجی کے مطابق فلکیاتی حسابات کے تحت موسم خزاں کا آغاز بدھ 23 ستمبر کو صبح 4 بج کر 5 منٹ پر ہوا۔ طلوعِ آفتاب کے وقت مشرقی آسمان پر جوزا، ثور، اسد، شعریٰ، سہیل اور ثریا کے جھرمٹ نمایاں ہوں گے۔
محکمہ موسمیات کے مطابق دوپہر کے وقت ملک کے مشرقی اور جنوبی علاقوں میں کہیں کہیں بادل بننے کا امکان ہے، جبکہ رات اور جمعرات کی صبح بعض مغربی علاقوں میں موسم مرطوب رہنے اور دھند یا کہرا پڑنے کا امکان ہے۔
دوسری جانب متحدہ عرب امارات کے بعض ساحلی اور اندرونی علاقوں میں شدید دھند کے باعث ریڈ اور یلو الرٹ جاری کردیا گیا ہے۔ بدھ کی صبح ساڑھے 8 بجے تک حدِ نگاہ متاثر رہنے کی توقع ہے، جبکہ بعض اوقات حدِ نگاہ مزید کم ہوسکتی ہے۔
درجہ حرارت دبئی میں 39، ابوظہبی میں 41 اور شارجہ میں 40 ڈگری سینٹی گریڈ تک پہنچنے کا امکان ہے، جبکہ کم سے کم درجہ حرارت بالترتیب 31، 29 اور 27 ڈگری سینٹی گریڈ رہنے کی توقع ہے۔
موسم کی صورتحال کے مطابق جنوب مشرقی سے شمال مشرقی سمت ہلکی سے معتدل ہوائیں چلیں گی، جو بعض اوقات تیز ہوسکتی ہیں۔ ہوا کی رفتار 10 سے 20 کلومیٹر فی گھنٹہ جبکہ جھونکوں کی رفتار 35 کلومیٹر فی گھنٹہ تک پہنچ سکتی ہے۔
بحیرہ عربی خلیج اور بحیرہ عمان میں سمندر کی سطح ہلکی رہنے کی توقع ہے۔
