کورونا وائرس: متحدہ عرب امارات کے ویزا خلاف ورزی کرنے والوں کے لئے رعایت

اس اقدام میں رہائشی ویزا کی خلاف ورزی کرنے والے اور انٹری اور ویزا اجازت نامے کی خلاف ورزی کرنے والے افراد شامل ہیں۔

منگل کی شام کو اس کا اعلان کیا گیا تھا کہ 18 مئی سے شروع ہونے والی تین ماہ کی رعایتی مدت ریذیڈنسی قانون کی خلاف ورزی کرنے والوں کو ملک چھوڑنے کے لئے مہیا کردی گئی ہے۔

ریزیڈنسی کی خلاف ورزی کرنے والوں کے جرمانے بھی معاف کردئے جائے گے، ان خلاف ورزیوں میں وہ رہائشی شامل ہے جن کے رہائشی ویزا ختم ہوۓ تھے ور ملک سے باہر نہی گئے تھے اور ساتھ ہی وہ لوگ جو وزٹ ویزا پر آئے تھے اور ویزا کا معیاد ختم ہونے کے بعد ملک سے باہر جانے میں ناکام ہووے تھے .

وزارت خارجہ امور اور بین الاقوامی تعاون اور شناخت اور شہریت کے لئے فیڈرل اتھارٹی نے ویزا خلاف ورزی کرنے والوں کے لئے رعایتی مدت کی خبر متحدہ عرب امارات میں منظور شدہ سفیروں اور قونصل جنرلوں کو ایک آن لائن میڈیا بریفنگ میں بتایا .

اتھارٹی میں غیر ملکی امور اور بندرگاہوں کے ڈائریکٹر جنرل میجر جنرل سعید راکان الرشیدی نے کہا کہ کورونا وائرس کے بحران سے افراد کی رہائش کے ویزا کی تجدید کے لئے نقل و حرکت پر پابندی عائد ہوگئی ہے۔ انہوں نے کہا ، "ان غیر معمولی شرائط کے پیش نظر ، تمام رہائشی ویزا اور وزٹ ویزا کی خلاف ورزی کرنے والوں کو رعایت دینے کا فیصلہ کیا گیا ہے ، بشرطیکہ وہ ملک چھوڑ کر اپنے ممالک واپس جانا چاہتے ہوں۔”

اس حکمنامے کے مطابق ، غیر قانونی رہائشیوں اور میعاد ختم ہونے والی رہائش اور وزٹ ویزا حاصل کرنے والے ہر شخص کے لئے تمام انتظامی جرمانے معاف کر دیئے جائیں گے۔

اس اقدام میں ریزیڈنسی کی خلاف ورزی کرنے والوں اور انٹریز اور ویزا اجازت نامے کی خلاف ورزی کرنے والے افراد بھی شامل ہیں ، جن میں ان کے کفیلوں سے مفرور ، اور ملازمت کے معاہدوں اور لیبر کارڈوں کی خلاف ورزی کرنے والے بھی شامل ہیں بشرط یہ کہ یہ خلاف ورزی یکم مارچ 2020 سے پہلے ہوئی ہوں ۔

میجر جنرل الرشیدی نے کہا کہ ان لوگوں کو اس اقدام سے کوئی فائدہ نہی ہوگا جو خلاف ورزی کرنے کے باوجود متحدہ عرب امارت میں رہنا چہتے ہوں.

عام معافی میں تمام غیر قانونی رہائشی اور وزیٹرز شامل ہیں بشرط یہ کہ وہ ملک چھوڑنا چاہتے ہیں۔

ایمریٹس ای ڈی کے لئے جرمانہ اور روانگی کی فیسوں سے معافی کے علاوہ اجازت نامے کی منسوخی اور لیبر پرمٹ کی تجدید سے بھی معافی دی جائے گی۔

الرشیدی نے کہا کہ اگر ان کو روزگار کے نئے معاہدے ملیں تو یہ ملک میں دوبارہ داخل ہو سکتے ہیں۔

جرمانوں کی معافی کے بارے میں مزید وضاحت کے لئے جمعرات کو ایک پریس کانفرنس منعقد کی جائے گی۔

Source : Khaleej Times