خلیج اردو
دبئی:بین الاقوامی میوزیم ڈے کی مناسبت سے ایکسپو سٹی دبئی نے اعلان کیا ہے کہ 17 اور 18 مئی کو ایکسپو 2020 میوزیم اور ‘گارڈن ان دی اسکائی’ میں عوام کے لیے مفت داخلہ فراہم کیا جائے گا۔
ایکسپو 2020 دبئی کے مشہور کردار راشد اور لطیفہ بھی ان دنوں میں زائرین سے ملاقات کریں گے اور 2 بجے سے 6 بجے تک ایونٹ کے یادگار لمحات کو تازہ کریں گے۔
گارڈن ان دی اسکائی، جو ایکسپو سٹی دبئی کا نمایاں مقام ہے، ان دنوں میں بغیر کسی ٹکٹ کے کھلا رہے گا، جہاں 55 میٹر بلند گھومنے والے پلیٹ فارم سے شہر اور ایکسپو سٹی کا شاندار نظارہ پیش کیا جائے گا۔
ایکسپو سٹی دبئی کی چیف ایجوکیشن اینڈ کلچر مرجان فرائدونی نے کہا، "میوزیم صرف تاریخ کو محفوظ رکھنے کی جگہیں نہیں بلکہ ثقافتی مراکز ہیں جو ہماری شناخت، سفر اور مستقبل کی عکاسی کرتے ہیں۔ اس عالمی دن کے موقع پر ہم عوام کو دعوت دے رہے ہیں کہ وہ میوزیمز کو جیتی جاگتی ادارے سمجھ کر ان سے جڑیں اور نئے خیالات اور مکالمے کو فروغ دیں۔”
اس کے علاوہ، الف، تیرا اور وژن پویلینز کے انٹرنیشنل کونسل آف میوزیمز میں شامل ہونے کی خوشی میں، ایکسپو سٹی دبئی نے 25 درہم میں خصوصی ویک اینڈ انٹری پاس کا بھی اعلان کیا ہے، جس کے ذریعے زائرین یہ تمام پویلینز دریافت کر سکیں گے اور ایکسپو سٹی دبئی کی روح اور مستقبل کو پھر سے دیکھ سکیں گے۔
ٹکٹیں 14 مئی بروز بدھ سے آن لائن دستیاب ہوں گی، جبکہ 17 اور 18 مئی کو ایکسپو سٹی دبئی کے باکس آفس سے بھی حاصل کی جا سکیں گی۔
