خلیج اردو
اسلام آباد:190 ملین پاؤنڈ کرپشن ریفرنس میں سابق وزیر اعظم اور بانی پاکستان تحریک انصاف عمران خان اور ان کی اہلیہ بشریٰ بی بی کی سزا معطلی کی درخواستوں پر آج اسلام آباد ہائیکورٹ میں سماعت ہوگی۔
قائم مقام چیف جسٹس سرفراز علی ڈوگر اور جسٹس محمد آصف مجید تابان پر مشتمل ڈویژن بینچ کیس کی سماعت کرے گا۔ نیب نے بھی درخواستوں پر موثر پیروی کے لیے اپنی پراسیکیوشن ٹیم کو متحرک کر دیا ہے۔
یہ درخواستیں اس پس منظر میں دائر کی گئی ہیں جب احتساب عدالت نے دونوں شخصیات کو مذکورہ ریفرنس میں مجرم قرار دے کر سزا سنائی تھی۔ درخواست گزاروں نے موقف اختیار کیا ہے کہ ان کے خلاف کیس میں قانونی تقاضے پورے نہیں کیے گئے اور انہیں صفائی کا مناسب موقع نہیں دیا گیا۔
اسلام آباد ہائیکورٹ میں آج کی سماعت اس اہم مقدمے کی سمت متعین کر سکتی ہے، جو سیاسی اور قانونی دونوں سطحوں پر بھرپور توجہ کا مرکز بنا ہوا ہے۔
