خلیج اردو
19 ستمبر 2025
دبئی مال میں آئی فون 17 کی لانچ کے موقع پر سب سے پہلے قطار میں موجود صارف محمد شاکا تھے، جو پاکستانی شہری اور متحدہ عرب امارات کے رہائشی ہیں۔ انہوں نے صبح 6 بجے پہنچ کر اپنی جگہ یقینی بنائی۔ محمد شاکا نے گلف نیوز سے گفتگو کرتے ہوئے کہا کہ وہ آئی فون 17 پرو میکس کے نارنجی رنگ کا ماڈل خریدیں گے اور ایئر کے بجائے پرو میکس کو ترجیح دے رہے ہیں کیونکہ وہ اس کے سائز کے زیادہ عادی ہیں۔
دبئی مال میں سیکیورٹی نے گاہکوں کی قطاروں کو منظم کرنے کے لیے اسٹور کے باہر گروپوں کی صورت میں انتظار کی اجازت دی۔ اس سال قطار میں آنے والے افراد کی تعداد پچھلے برسوں کے مقابلے میں کم تھی کیونکہ ایپل کے پری آرڈر سسٹم کے تحت صارفین کو پہلے سے ادائیگی کرنا پڑی۔
ابتدائی خریداروں میں زیادہ تر افراد نے آئی فون 17 پرو میکس کے خاص طور پر متوقع "کاسمک اورنج” رنگ پر توجہ مرکوز کی۔ ایک اور رہائشی نے کہا: “میں ہر چند سال بعد لانچ کے لیے یہاں آتا ہوں۔ پرو میکس کے لیے جا رہا ہوں کیونکہ اس کی بیٹری پچھلے ماڈلز کے مقابلے میں بہت بہتر ہے۔”
آئی فون 17 پرو کی قیمت دبئی میں 4,699 درہم سے شروع ہوتی ہے، جبکہ پرو میکس 5,099 درہم سے دستیاب ہے۔
لانچ کے موقع پر اسٹور کے اندر داخل ہونے والے پہلے صارفین کا پرجوش استقبال کیا گیا اور عملے نے تالیوں اور Cheers کے ساتھ خوش آمدید کہا۔ محمد عدیل، ایک اور پاکستانی صارف، خوشی کے ساتھ نارنجی آئی فون 17 پرو میکس اپنے ساتھ لے گئے اور کہا کہ سب سے پہلے وہ کیمرہ آزمانے کے لیے پرجوش ہیں، جو ان کی پسندیدہ خصوصیت ہے۔
