10 اکتوبر 2021
دبئی : پاکستان میں اے آر وائے نیوز نے پہلا سپورٹس ایچ ڈی چینل لانچ کر دیا ہے جس کا اعلان اتوار کے دن کیا گیا ہے۔
اے سپورٹس کی لانچنگ سولہ اکتوبر کو ہوگی جس کا اعلان اے آر وائے نیوز نے سوشل میڈیا پر کیا ہے جس میں بتایا گیا ہے کہ چینل پر سترہ اکتوبر سے ورلڈ ٹی ٹونٹی کی لائیو ٹیلی کاسٹ ہوگی۔
پاکستان کرکٹ تیم کے سابق کپتان وسیم اکرام اور وقار یونیس نے اعلان کیا ہے کہ وہ دونوں بہت جلد اس چینل کو جوائن کریں گے۔ انہوں نے اپنے آفیشل ٹویٹر پر اس کا اعلان کیا۔
وسیم اکرم نے لکھا ہے کہ انتہائی مسرت کے ساتھ اعلان کررہا ہوں کہ میں پاکستان کے پہلے ایچ ڈی اسپورٹس چینل اے اسپورٹس میں بطور صدر شامل ہوا ہوں۔ میں اس اعتماد کیلئے اے آر وائی گروپ اور خاص طور پر اپنے دوست سلمان اقبال کا شکریہ ادا کرنا چاہتا ہوں۔ وسیم اکرم نے ایک ٹویٹ میں کہا کہ یہ پاکستان اور اسپورٹس پی پی کیلئے کھیلوں اور میڈیا میں بہت دلچسپ پیش رفت ہے۔
Delighted to annouce that i have joined Pakistans first HD sports channel A-SPORTS as President. I would like to thank the ARY Group & especially my friend @Salman_ARY for this opportunity. This is a very exciting development in Sports & media for Pakistan @asportstvpk pic.twitter.com/U7x25CT8Bc
— Wasim Akram (@wasimakramlive) October 9, 2021
وقار یونس نے لکھا کہ اسپورٹس چینل اے سپورٹس میں شامل ہونے پر خوشی ہے۔ سلمان اقبال کے ساتھ کام کرنے کیلئے پرجوش ہوں۔
اے سپورٹس پاکستان میں اے آر وائے نیٹورک کا ڈیجیٹل پلیٹ فارم ہے جنہوں نے آئی سی سی ورلڈ ٹی ٹونٹی کی نشریات کے حقوق حاصل کیے ہیں۔
Source : Khaleej Times
