متحدہ عرب امارات : بھائی کی وفات پر شیخ محمد کو جی سی سی کی جانب سے تعزیت

خلیج اردو
25 مارچ 2021
دبئی : بھائی کی وفات پر شیخ محمد کو گلف کوآپریشن کونسل کی جانب سے اظہار تعزیت کی گئی ہے۔ جی سی سی ممالک کے سربراہان نے دبئی کے نائب حکمران اور متحدہ عرب امارات کے وزیر خزانہ شیخ حمدان بن راشد المکتوم کی وفات پر اظہار تعزیت کی ہے۔

گزشتہ روز وفات پانے والے شیخ ہمدان متحدہ عرب امارات کے نائب صدر اور وزیر اعظم اور دبئی کے حکمران شیخ محمد بن راشد المکتوم کے بھائی تھے ۔

بصیرت کے حامل رہنما کی وفات پر دبئی میں 10 روزہ سوگ کا اعلان کیا گیا ہے جبکہ متحدہ عرب امارات میں 3 دن کیلئے سوگ کا اعلان کیا گیا ہے۔

شیخ محمد کو خادم حرمین شریفین شاہ سلمان بن عبد العزیز نے ٹیلیفون پر تعزیت کی ہے۔

عمان کے سلطان ہیتھم بن طارق السید ق، قطر کے امیر شیخ تمیم بن حماد آل تھانوی اور بحرین کے شاہ حماد بن عیسیٰ آل خلیفہ نے بھی متحدہ عرب امارات کے نائب صدر سے ٹیلی فون پر کی اور ان سے تعزیت کی۔

انہوں نے دعا کی کہ اللہ تعالی آل مکتوم خاندان اور متحدہ عرب امارات کے عوام کو صبر جمیل عطا فرمائے۔

شیخ محمد نے تمام رہنماؤں کے نیک خواہشات اور تعزیت پر ان کا شکریہ ادا کیا اور ان کیلئے اچھی صحت اور ان کے ملک میں استحکام کی دعا کی۔

Source : Khaleej Times