خلیج اردو
دبئی: متحدہ عرب امارات میں چینی ساختہ گاڑیوں کی مقبولیت میں تیزی سے اضافہ ہو رہا ہے، تاہم ان کے مالکان کو انشورنس کی مد میں جاپانی اور کوریائی گاڑیوں کے مقابلے میں کہیں زیادہ ادائیگی کرنا پڑ رہی ہے۔ ماہرین کے مطابق اس فرق کی وجہ "ممکنہ خطرات کا تاثر”، مہنگے اور سست مرمتی عمل، اور دستیاب اعداد و شمار کی کمی ہے۔
زیادہ انشورنس پریمیم کی وجوہات
انشورنس مارکیٹ ڈاٹ اے ای کے ڈپٹی سی ای او ہیتیش موٹوانی نے خلیج ٹائمز کو بتایا کہ چینی گاڑیوں کے لیے جامع انشورنس پریمیم عام طور پر 2,800 سے 3,000 درہم تک ہوتا ہے، جبکہ یہی پریمیم جاپانی یا کوریائی گاڑیوں کے لیے تقریباً 2,100 درہم ہے۔ اس کی بنیادی وجوہات میں شامل ہیں:
-
پرزہ جات کی محدود دستیابی
-
-
مخصوص ورکشاپس کی کمی
-
ڈیلیئر مرمت کے باعث گاڑیوں کا زیادہ عرصہ سڑک سے باہر رہنا
ان کا کہنا تھا کہ، "ان وجوہات کی بنا پر انشورنس کمپنیاں زیادہ کلیمز اور گاڑیوں کے سروس میں زیادہ وقت لگنے کی لاگت کو پورا کرنے کے لیے بلند پریمیم برقرار رکھتی ہیں۔”
چینی گاڑیوں کی بڑھتی ہوئی مقبولیت
رپورٹس کے مطابق 2023 کے آغاز میں مجموعی انشورنس سوالات میں چینی گاڑیوں کا حصہ صرف 2 فیصد تھا، جو 2025 کے وسط تک 10 فیصد سے تجاوز کر چکا ہے۔ اس کی وجہ بہتر ڈیزائن، جدید ٹیکنالوجی، وارنٹی سپورٹ، اور سب سے بڑھ کر کم قیمت میں معیاری کارکردگی ہے۔
رین فلوڈ کے بعد رجحان میں تبدیلی
2024 میں متحدہ عرب امارات میں ریکارڈ بارشوں کے بعد متعدد گاڑیاں تباہ ہو گئیں، جس کے بعد شہریوں نے جلد دستیاب اور سستی گاڑیوں کی جانب رجوع کیا — ایک شعبہ جس میں چینی گاڑیاں نمایاں تھیں۔
مقبول چینی برانڈز
چینی برانڈز جیسے MG، Jetour، Geely، BYD، Changan، Jaecoo اور Omoda نے مارکیٹ میں بھرپور جگہ بنائی ہے۔ خاص طور پر SUV اور کراس اوور سیگمنٹ میں Jetour اور Geely کی مقبولیت میں 2024 سے خاصا اضافہ دیکھا گیا ہے۔
برانڈ وفاداری میں اضافہ
ابتدائی طور پر صارفین نے چینی گاڑیوں کو عارضی یا بجٹ پر مبنی انتخاب کے طور پر دیکھا، مگر اب گاہکوں کی آراء سے واضح ہے کہ ان میں برانڈ کے ساتھ وفاداری، فیول اکانومی، ٹیکنالوجی فیچرز اور وارنٹی کوریج پر اطمینان بڑھا ہے۔
انشورنس کمپنیاں کیسے ردعمل دے رہی ہیں؟
چینی گاڑیوں کے بڑھتے رجحان کے پیش نظر انشورنس کمپنیاں مخصوص برانڈز پر مبنی رسک ماڈلز تیار کر رہی ہیں، مجاز ورکشاپس اور درآمد کنندگان سے شراکت داری کر رہی ہیں، اور ٹیئرڈ پرائسنگ سسٹم متعارف کروا رہی ہیں۔
موٹوانی کے مطابق، "مزید ڈیٹا آنے کے ساتھ ہم بہتر درجہ بندی دیکھ رہے ہیں، جس کے نتیجے میں زیادہ منصفانہ پریمیم اور بہتر کوریج کے آپشنز سامنے آ رہے ہیں۔”
